Congregatio de Causis Sanctorum 95

URBEVETANA-TUDERTINA

Beatificationis et Canonizationis Ven. Servae Dei Spei a Iesu (in saeculo: Mariae Iosephae Alhama Valera) Fundatricis Congregationum Ancillarum Amoris Mise- rentis et Filiorum Amoris Miserentis (1893-1983)

DECRETUM SUPER MIRACULO

Venerabilis Serva Dei Spes a Iesu in Hispanico pago v.d. Santomera die

29 mensis Septembris anno 1893, maxima e multorum filiorum familia, tam

egenti quam vehementer christiana, nata est. In domu parochi recepta fuit,

ubi firmam institutionem accepit, primas litteras didicit et in animo suo

consilium se ad Dominum omnino conferendi volvit.

Die 15 mensis Octobris anno 1914 in Institutum Calvarii Filiarum ingressa

est, quod anno 1921 cum Congregatione Missionariarum Filiarum Immaculati

Cordis Beatae Mariae Virginis coniunctum est. Per vitam in difficultatibus,

doloribus sed et in singularissimis animi donis et per sapientissimorum animi

moderatorum auxilium Serva Dei intellexit « bonum Iesum » ei ipsi manda-

re ut nova vitae consecratae instituta fundaret, in quibus, sicut in unica

familia et invicem auxiliantes ad animi perfectionem adipiscendam, omnes

sodales Dei Amorem Miserentem in mundum renuntiarent. Anno 1930 illa,

Matriti, Congregationem Ancillarum Amoris Miserentis et anno 1951 Romae

Congregationem Filiorum Amoris Miserentis fundavit, tamen extremum et

magnum mandatum ei fuit aedificatio Sanctuarii Amoris Miserentis iuxta

Collem Etruscum Tudertinum v.d. Collevalenza in Perusinis liminibus, quod

anno 1965, multis Patribus Conciliaribus intervenientibus, sollemniter con-

secratum est. Huc die 22 Novembris anno 1981 Beatus Ioannes Paulus II,

primo apostolico itinere post grave vulnus, ut ipse professus est, feliciter

venit. Venerabilis Matris Spei a Iesu corpus in crypta Sanctuarii requiescit

a die 8 mensis Februarii anno 1983, cum mortali e vita excessit. Praedictus

Pontifex Ioannes Paulus II per Decretum diei 23 mensis Aprilis anno 2002

virtutes heroicas eius agnovit.

Beatificationis respectu, Causae Postulatio iudicio huius Congregationis

de Causis Sanctorum miram quandam pueri sanationem subiecit, quae die

4 mensis Iulii anno 1999 in pago v.d. Cilavegna apud Papiensem civitatem

evenit. Puer enim quadragesimum fere diem post ortum signa intestini in-

tolerantis, ponderalis decrementi, insomniae denique urticariae ostendere