1 8 Novemb r e 2 0 09 - 1 5 : 2 0 p a g i n a 4 4 2 e : / 0 6 9 2 _ 9/L a v o r o/Ac t a _mag g i o _ 9 . 3 d GRECCO

Acta Apostolicae Sedis - Commentarium Officiale442

Mandavit autem Beatissimus Pater ut praesens decretum publici iuris

fieret et in acta Congregationis de Causis Sanctorum referretur.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis

LYCIEN.

Beatificationis et canonizationis Servae Dei Aloisiae Mazzotta Christifidelis laicae

(1900-1922)

DECRETUM SUPER VIRTUTIBUS

« Proposui ergo hanc adducere mihi ad convivendum, sciens quoniam erit

mihi consiliaria bonorum et consolatio sollicitudinum et taedii. Habebo prop-

ter hanc claritatem ad turbas et honorem apud seniores iuvenis » (Sap 8, 9-

10).

Experientiam doloris, uti mysticam viam salutis iuxta providens Dei

consilium, singulariter sustinuit iuvenis laica Aloisia Mazzotta, quae adhuc

adulescens suos dolores doloribus Iesu Christi, Servi Dei, sociare potuit et

vivida conscientia passionem Domini participavit.

Serva Dei die 9 mensis Iulii anno 1900 Lyciae nata est e familia pauper-

tate admodum pressa. Hunc socialem statum, in quo per totum exsistentiae

suae tempus versata est, summa pertulit dignitate. Paulo post diem natalem

baptizata est, et, de loci consuetudine, tres annos nata sacro confirmationis

chrismate est insignita.

Inde a tenera aetate gravibus correpta est morbis, aeris nempe morbidi et

intestinali febri, pulmonum dilatatione, acuta bronchiti, ossea phthisi, ali-

quot artuum inflammatione; fides tamen, ad quam prius a matre, deinde a

fervidis presbyteris, religiosis et laicis formata erat, fons exstitit non tantum

eius solaminis et sustentationis, verum etiam authenticae personalis progres-

sionis.