Acta Apostolicae Sedis - Commentarium Officiale778

Sacra Scriptura in diversis artis formis

112. Inter Dei Verbum et culturam vinculum effecit ut variis in provin-

ciis opera gignerentur, peculiarem in modum in artis provincia. Idcirco eximia

Occidentis Orientisque traditio semper artis effecta existimavit sacra Scrip-

tura inspirata, sicut exempli gratia figurarum artificia et architecturam,

litteras et musicam. De antiqua etiam cogitamus iconum loquela, quae

ex orientali traditione gradatim in totum terrarum orbem diffunditur. Una

cum synodalibus Patribus tota Ecclesia laudat, aestimat et miratur cunctos

artifices « pulchritudinis amore incensos », qui ex sacris textibus artis consilia

ceperunt; dederunt ipsi operam ut nostra templa decorarentur, nostra fides

celebraretur, nostra liturgia locupletaretur atque eodem tempore multi

eorum effecerunt ut aliquo modo in tempore spatioque invisibilia aeternaque

percipi possent.359 Competentia instituta cohortamur ut in Ecclesia solidam

artificum institutionem de sacra Scriptura sub vivae Traditionis Ecclesiae

Magisteriique lumine iuvent.

Verbum Dei et instrumenta communicationis socialis

113. Simul cum necessitudine inter Verbum Dei et culturas coniungitur

etiam momentum accurate ac sapienter utendi communicationis socialis

instrumentis, antiquis et novis. Patres synodales hortati sunt ad idoneam

cognitionem horum instrumentorum, rationem habendo de eorum celeri

incremento necnon de variis gradibus interactionis, atque maiores vires

insumendo ut qualificata peritia acquireretur variis in campis, praesertim

in ita dictis novis instrumentis communicationis socialis, sicut exempli gratia

in usu interretis. Significans iam datur praesentia ex parte Ecclesiae in

provincia communicationis socialis, et etiam Ecclesiae Magisterium pluries

de hoc argumento locutum est, incipiens a Concilio Vaticano II.360 Acquisitio

novarum viarum ad Nuntium evangelicum transmittendum pertinet ad

359 Cfr. Propositio 40. 360 Cfr. Conc. Oecum. Vat. II, Decr. de instrumentis communicationis socialis Inter mirifica;

Pontificium Consilium Communicationum Socialium, Instr. past. Communio et progressio, de in-

strumentis communicationis socialis, foras edita de mandato Concilii Oecumenici Vaticani II (23

Maii 1971): AAS 63 (1971), 593-656; Ioannes Paulus II, Ep. ap. Il rapido sviluppo (24 Ianuarii

2005): AAS 97 (2005), 265-274; Pontificium Consilium Communicationum Socialium, Instr. past. de

communicationibus socialibus Aetatis novae, XX exeunte anno post editam instructionem pasto-

ralem quae est Communio et progressio (22 Februarii 1992): AAS 84 (1992), 447-468; Id., La

Chiesa e internet (22 Februarii 2002): Ench. Vat. 21, nn. 66-95; Id., Etica in internet (22 Februarii

2002): Ench. Vat. 21, nn. 96-127.