96 Acta Apostolicæ Sedis - Commentarium Officiale

incepit. Aliquas post hebdomades pueri valetudo in peius versa est et demis-

sio corporis caloris supervenit. Recepto puero in Viglebanensi valetudinario,

medici morbi signa cognoverunt et denuntiaverunt dyspepsiam seu vitium

stomachi lac vaccinii et soiae non concoquentis. Quamvis morbo curae et

regimen victus adhiberentur, tamen accessit pericolosa allergiae crisis cum

dermatite, incrementum urticariae, ponderis demissio et insomnia, post

quod secuti sunt et aurium inflammationes, cibi fastidium et alvi duritia.

Puer autem summa in virium defectu videbatur et sollicitudo augebatur,

quia, etsi pueri pater medicus esset, nulla curatio utiliter adhiberi licuit.

Istis in adiunctis eo magis ingravescentibus, mater programma televi-

sificum forte aspexit, in quo de Matre Spe a Iesu et de aquis Amoris Mi-

serentis, quae iuxta Sanctuarium Collis Etrusci scaturiunt, loquebatur. Per

patruum sacerdotem, Dei Providentia, iuxta Collem Etruscum spiritualia

exercitia praestantem, aqua e fonte habuerunt et puer die 28 mensis Iunii

eam haurire potuit. Patruus magnus iuxta sepulcrum Servae Dei sic oravit

« Quaeso, illum puerum adopta, quia te opus est ». Die Domini 24 mensis

Iulii anno 1999, parentes et familiares convenerunt ad primum diem na-

talem pueri celebrandum et illic fide ducti, qualemcumque cibum puero

victu porrixerunt, percipientes quod aliquid miri futurum erat. Hinc puer

naturaliter et sine morbi maculis crebuit.

De hac sanatione, mira aestimata, iuxta Curiam Viglebanensem a die 25

mensis Maii ad diem 16 mensis Iunii anno 2001 celebrata est Inquisitio dioe-

cesana, cuius iuridica validitas ab hac Congregatione de Causis Sanctorum

per Decretum diei 25 mensis Ianuarii anno 2002 est approbata. Deinceps acta

novis medico-scientificis documentis collustrata sunt, ita ut in sequentibus

Consiliis Medicis, diei 1 mensis Aprilis et diei 14 mensis Iunii anno 2012,

sanationem ex scientiae legibus inexplicabilem fuisse declaraverint. Die 17

mensis Novembris anno 2012, positivo cum exitu, peculiaris Consultorum

Theologorum Congressus auctus est. Die 18 mensis Iunii anno 2013 Patres

Cardinales et Episcopi Ordinaria in Sessione congregati sunt, me Cardina-

le Angelo Amato praesidente. Et in utroque Coetu, sive Consultorum sive

Cardinalium et Episcoporum, posito dubio an de miraculo divinitus patrato

constaret, responsum affirmativum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno