816 Acta Apostolicae Sedis - Commentarium Officiale

ROMANA seu TURRITANA

Beatificationis et Canonizationis Servae Dei Elisabethae Sanna Christifidelis Lai- cae, Viduae, Tertiariae professae Ordinis Minorum S. Francisci, Sodalis Unionis Apostolatus Catholici a S. Vincentio Pallotti conditae (1788-1857)

DECRETUM SUPER VIRTUTIBUS

« Velim plenum caelum, vacuum purgatorium, clausum infernum ».

Haec verba, a Serva Dei Elisabetha Sanna patri eius spirituali sancto

Vincentio Pallotti recitata, altitudinem demonstrant eius animi, fervida fide

animati atque magno apostolatus universalis desiderio. Totam per vitam illa

se in indefatigabili immolabat ministerio ut beneficia maiori personarum

numero praeberet.

Serva Dei in Codrongianos, intra fines Archidioecesis Turritanae, die 23

mensis Aprilis anno 1788 est nata, in familia rustica satis locupleti: pater

munus etiam syndici istius pagi exercuit. Tres menses nata, variola est cor-

repta atque capacitatem amisit brachia levandi, etiamsi ditibus difficulter

uti valuit. Nulla accepit scolastica rudimenta, quod fuit illo tempore valde

frequens, potissimum quod pertinet ad feminas; illiterata igitur mansit.

Iuvenis viro nupsit bene de rebus oeconomicis constituto atque magnanimo

et, quamvis infirma esset, potuit quinque fìlios generare et instituere. Iter

matrimoniale valde harmoniose vixit, etiamsi iam ab adulescentia signa

animadvertit religiosae vocationis. Postquam vidua mansit Tertio Ordini

Franciscali adhaesit atque votum castitatis nuncupavit, exercitare pergens

notionem spiritualis maternitatis erga puellas et mulieres suae terrae, mi-

nime neglectis domesticis rebus et administrandis camporum fundis.

Anno 1831, postquam alimento et curae filiorum prospiceret, navem

conscendit peregrinationem in Terram Sanctam actura, sed, ob calamitosum

traiectum, Romam tantummodo pervenit neque Sardiniam ob graves valetu-

dinis perturbationes redire potuit. In Urbe professionem fecit franciscalem

Tertii Ordinis atque se totam orationi dicavit et aegrotantium, pauperum

pupillorumque ministerio, reticulum agens atque beneficientiae pauca sua

lucra offerens. Inter primos nomen dedit Unioni Apostolatus Catholici sancti

Vincentii Pallotti, quem providentiali modo cognovit ac veluti spiritualem

moderatorem elegit.