408 Acta Apostolicae Sedis - Commentarium Officiale

quam iam adolescentes attingere debuissent. Interdum amore egocentrico

qui est pueri amatur, cum in quodam sistitur gradu ubi veritas deformatur

et libido imperat omnia circum se volvi debere. Amor iste est inexplebilis,

qui clamat vel plorat cum quae concupiscit non recipit. Alias amatur amore

qui in adolescentiae statu figitur, quique contentione, damnatorio iudicio,

consuetudine alios insimulandi, ratione affectionis fictionisque signatur, ubi

alii replere debent nostra vacua vel libidines sustinere nostras.

240. Multi infantiam suam complent et numquam experti sunt se ama-

tos esse sine condicionibus, et hoc vulnerat eorum confidendi facultatem

seque donandi. Necessitudo male habita cum parentibus et fratribus, quae

numquam sanata est, iterum apparet, et damnum vitae coniugali dat. Cur-

riculum igitur complendum liberationis quod numquam est consideratum.

Cum necessitudo inter coniuges male evolvitur, ante magni momenti quam

capiantur consilia, oportet inspicere an uterque hoc iter perfecerit suae

historiae curae. Hoc requirit ut agnoscatur necessitas sanationis, instanter

postuletur gratia aliis sibique dimittendi, accipiatur auxilium, quaerantur

rationes certae et iterum iterumque istud temptetur. Unusquisque secum

valde sincerus sit oportet ut agnoscat suum modum vivendi amorem hac

affici immaturitate. Quamvis tota culpa liquido esse alterius videatur, num-

quam tamen discrimen superari potest, dum exspectatur ut tantum alter

mutetur. Oportet etiam is se interroget de rebus quas potuerit ipse perficere

et sanare ad contentiones superandas.

Comitari post rupturas et divortia

241. Quibusdam in casibus consideratio propriae dignitatis bonique fi-

liorum mandat ut alteruter firmiter ab immodicis postulationibus, a magna

iniustitia, a vi vel ab inobservantia, quae perpetua fit, arceatur. Agnoscere

oportet « exstare casus in quibus separatio est inevitabilis. Nonnumquam

etiam fieri potest moraliter necessaria, cum nempe agitur de coniuge de-

biliore vel parvis filiis abducendis a gravioribus vulneribus, quae inferunt

impotentia et vis, animi fractio et abusus, distantia et indifferentia ».257

Attamen « habendum est extremum remedium, cum omnis alius conatus

fuerit vanus ».258

257 Catechesis (24 Iunii 2015): L'Osservatore Romano, 25 Iunii 2015, p. 8. 258 ioannES pauluS ii, Adh. Ap. Familiaris consortio (22 Novembris 1981), 83: AAS 74 (1982),

184.