98 GAUDISIEN.

canonicatus dicuntur primae erectionis, et isti in hac con- troversia partem agunt, reliqui sex dicuntur secundae ere- ctionis, iidemque in lite nu^am habent partem.

Iamvero in hac causa quaeritur an Canonici primae ere- ctionis teneantur adhuc solvere taxam ita dictam mediae decimae; quae tamen modo non repetitur a Seminario, sed a Mensa episcopali gaudisien., cui in actu erectionis nempe anno 1864 attributa fuit in dotem a Summo Pontifice Pio IX. Verum huiusmodi taxa amplius non respondet mediae decimae seu solutioni quinque pro quolibet centenario ; quia per decretum diei 23 Octobr. 1741 datum a Paulo Alphe- ran de Bussan Episcopo Milevitano praedicta taxa favore Seminarii praestanda a Beneficiis ab hoc onere non redem- ptis, vi Transactionis iam explicatae, reducta fuit ad ratio- nem trium pro quolibet centenario. Idemque nuperrime con- firmavit decrevitque Caietanus Pace-Forno per litteras diei 22 Iulii 1859.

Canonici vero primae erectionis contendunt, se nulla teneri obligatione solvendi taxam episcopali Mensae , sub- stitutae, in hoc credito , iuribus Seminarii , quia Ecclesia gaudisien, reapse anno 1677 transactionem amplexa est, quare certam pecuniae summam solvit pro una vice ad redi- mendum suum onus. Huic intentioni instantes Canonici anno 1893 praedictam taxam solvere recusarunt, sed e contra Mensae episcopalis Oeconomus ad S. C. C. confugit, ut Canonicos primae erectionis cogeret ad suetam praesta- tionem solvendam , idemque Episcopus petiit ut formiter quaestio apud S. C. C. agitaretur.

Disceptatio Synoptica

D E F E N S I O M E N S A E . Episcopi Procurator in primis recolit, Ecclesiam Gaudisien, vi Transactionis initae, solvissean. 1677 conventam praestationem qua se ab annua taxa redimeret, sed enixius instat Orator, hanc solutionem factam fuisse ab ecclesia pro suis bonis, sibi propriis, et seiunctis a prae- bendis canonicalibus, iam erectis ab anno 1623. Re quidem