100. De sancto Willibaldo.

In 1. Vesperis.

Antiphoiiae.

1. Solemnizate, pueri,
Supremi regis Incliti
Hoc festo, quo coelestibus
Conjunctus est Willibaldus.

2. Christi misericordia
Hujus patris praecordia
Confirmavit caritate
Os Implendo veritate.

3. Sic vere vir laudabilis,
Quem regens a cunabulis
Pro voto dedit Dominus
Profectum In virtutibus.

4. Inter turbas mansuetorum
Praenitentem Willibaldum
Virtutum rex altissimus
Sublimavit honoribus.

5. Sion, exsulta canticis,
Te Willibaldi praesulis
Condecorat praesentia
Et relevant suffragia.

E. Patriarchae fidem gerens,
Benedictionis haeres

Ejus Instituitur
Peregrinus Willibaldus,
Cum a Deo plebis magnus
Sacerdos eligitur.
V. Sicut carnis Abram

sic verbi semine magnam
Gentem progenuit Deo.

Ad Magnificat.

A. Exsultet coeli curia,
Mundi fatiscat furia,
Cum Willibaldi spiritus
Laetatur coeli sedibus ;
Nos Igitur antistitis
Praeclari freti meritis
Votis, voce subsequamur
Ut salutem nanciscamur.

Ad Matutinum.
Invitatorium.

Astra vocante Deo

subiit praesul Willibaldus,
Coelitus hortati

jubilando venite beati,
Reddere vota Deo.

In 1. Nocturno.

Antiphonae.

1. Anglorum praedicabilis
Gens fidei pro meritis,
De qua duxit prosapiam
Willibaldus clarissimam.

2. Stirpe regali editus
Parentum haeres unicus,
A lacte dum suspenditur,
Mox febribus corripitur.

3. Quem mortis In articulo
Postquam voverunt Domino
Parentes, salus redditur,
Et languor omnis pellitur.

Eesponsoria.

1. Praesul Christi Willibaldus
A cunabulis ut agnus
Tenens Innocentiam,
Puer Indolis praeclarae
Solum studuit amare
Dei sapientiam.
V. Christi pauper opes

patrias mundumque relin-
quens.
2. Juvenis cum esset factus
Et sub veste Christi nactus

Esset dona plurima
Spiritalium virtutum,
Exulare duxit tutum
Pro coelesti patria,
V. Quod labor Iste ratus

foret utilis, Inde beatus.

3. Pandit ergo patri talem
Vir sincerus voluntatem

Et hortatur plurimum,
Ut secum proficiscatur
Nec subire vereatur
Laborem dispositum;
V. Dat pater assensum

Domino spirante benignum.

In 2. Nocturno.
Antiphonae.
1. Parentes voti memores
Haeredis non retraxit spes,
Transacto jam quinquennio
Reddebant natum Domino.

2. Pater Egiwaldus Illum
Ut suscepit commendatum
Waltheim In monasterio
Reconsignavit Domino.

3. Puer autem mitissimus
Instabat totis viribus
Quotidie proficere
Et artiora petere.

Responsoria.
1. Willibaldus, Dei servus,
Christo suspirans ut cervus,
Dum ad aquas properat,
Affectabat exsulare,
Tum per terras, tum per mare,
Juxta quod elegerat,
V. Calle pedum celeri

repetens vestigia Christi.

2. Secum Igitur assumptis
Et divinitus adjunctis

Suo patre pariter
Et germano suo fratre,
Wunibaldo, Intrant mare
Liburnis alacriter,
V. Mox asseclarum

coetu comitante piorum.
R. Tandem maria sulcantes
Prospereque navigantes

Maris portum applicant,
Ubi caput orbis Romam
Suae mortis per coronam
Apostoli decorant.

V. Comparibus votis

se committendo patronis.

In 3. Nocturno.

Antiphonae.

1. Virtutum spiritalium
Rex Willibaldum puerum
Pro Christo factum pauperem
Suum fecit docibilem.

2. In quo tradente flamine
Prophetae soliloquia
Mirae intelligentiae
Exuberavit gratia.

3. Futurus namque pontifex
A Deo sic Instructus est,
Ut vas electum coelitus
Christi prodesset plebibus.

Responsoria.

1, Willibaldus, vir Insignis,
Aemulando arctioris

Vitae sanctimoniam,
Navi sibi delegata
Nutu Dei ut optata
Venit Jerosolymam,
V. Christi carne sua

complectens stigmata sacra.

2. Romam venientem sanctum
Consecravit Willibaldum

Sanctus Bonifatius,
Archipraesul Maguntinus,
Ut esset vir Deo dignus
In Eystett episcopus.
V. Pontifices sacri

sancto sensere vocati.

3. In mundanis prolongatum
Willibaldus Incolatum
Consummavit hodie,
Et commendans corpus terrae,
Deo spiritum, aeternae
Est adjunctus gloriae,
V. Cernens In patulo

de numine credita trino.

Ad Laudes.
Antiphonae.
1. Defuncti patris ossibus

Humatis fratres amplius

Tristitiae solatium

Interpellebant Dominum.
2. Subtractam sibi gratiam

Visus statim ubi sensit,

Tobiae patientiam

Willibaldus exhibuit.
3. Post duos menses Igitur

Beato visus redditur,

Cujus panduntur merita

Probata patientia.
4. Hunc papa dum Gregorius

Assiduis profectibus

Invigilare cerneret,

Suasit, quo plus proficeret.
5. Transmisit Dei famulum

Ad sanctum Bonifatium,

Obedire solummodo

Tanti patris consilio.

Ad Benedictus.

A. Beatus Bonifatius

Venientem ad se sanctum
Confessorem Willibaldum
Benigne susceptum primo
Presbyterum ordinavit
Deinde coepiscopis
Aggregatis episcopum
Dignissime consecravit.

In 2. Vesperis.
Ad Magnificat.

A. Willibalde pater,

coelestia qui meruisti
Gaudia, supplicibus

fer opem de munere Christi,
Ut te laudantes

salvemur ab omine tristi
Sedeque deposcas

nos tecum perpete sisti.

ANALECTA HYMNICA

MEDII AEVI