98. De sancto Valerieo.

In 1, Nocturno.
Antiphonae.
1. Beatus vir Valericus,
Probitate conspicuus,
In voluntate Domini
Corde, mente pervigili
Dum vixit, jure perstitit.

2. Servivit namque Domino
In timore sanctissimo
Ac legis jus catholicae
Didicit libentissime
Exercuitque opere.

3. Confessorem hunc insignem,
Valericum Christus sua

Mirificavit gratia
Illiusque complens vota
Transvexit super aetbera.

4. Conluctemur, Jesu bone,
Hujus sancti fulti prece
Valerici, quem lumine
Probi vernantem operis
Tuis adscisti gaudiis.

5. Gloria, Christe, perpeti
Sanctum tuum coronasti
Valericum pro meritis
Supernorum ac civium
Constituisti socium.

6. Justus Dominus et potens,
Perpetuae rex gloriae,
Justo suo Valerico
Contulit lucidissimum
Vitae perennis bravium.

In 2. Nocturno.
Antiphonae.
1. Requiescit sanctissimus

Valericus in superi

Quiete capitolii

Quam fructibus gratificae

Commeruit justitiae.
2. Religione strenuum

Sanctissimum Valericum

Conservasti tu, Domine,

In tuo semper opere,

Quo nunc consors est gloriae,

3. Non fraudasti eum, Christe,
Cordis ejus voluntate
Et coronam in capite
Ex pretioso lapide
Imposuisti, Domine.

4. Innocens manibus atque
Mundus corde et corpore,
Valericus almifluus,
Concinis inter supera
Sanctorum, constat, agmina.

5. Exaudi, Deus, proprios,
Quem decet hymnus, famulos
Almis beati precibus
Valerici propitius,
Quem elegisti coelitus.

6. Quam praeclarus in supremo
Aulae coelestis solio,
Turmae consors ungelicae,
Confessor adstas, inclite
Valerice, quem devote
Deposcimus, nos refove
Atque tuendo provide.

In 3. Nocturno.

Ad Cantica.

A. Vir Domini Valericus
Confessor et eximius,
Dum floreret in schemate
Indolis gratantissimae.
Christo mentis perliquidae
Toto servivit pectore.

Ad Laudes.
Antiphonae.

1. Relicto hic nempe solo
Dei famulus patrio,
Vitans saeculum fragile
In summi montis latere
Tot annis solitudine
Sese subdidit eremi.

2. Hoc quippe clausus loculo,
Divo fluens solatio
Valericus sat arduae
Vitae pergebat tramite,
Quo tandem ovans suprema
Scandidit poli culmina.

3. Hic martyris exiguam
Juliani basilicam
Fundavit, in qua proprium
Adnexuit mausoleum,
Qua conditus mirifice
Virtutum pollet lumine.

4. Fulgescunt his nam plurima
Miraculorum genera
Signorum atque lampade
Locus renidet lucide,
Quibus laetamur sedule,
O Valerice maxime.

5. Alme confessor Domini,
Valerice, altissimi,
Nostris, devote poscimus,
Favens adesto precibus
Et nos tuarum lepide

Laudum canentes pneuraate
Tecum consortes facere
Celso digneris patriae
Ac sempiternae gloriae.