Acta Benedicti Pp. XVI 779

constantem propensionem evangelizatricem credentium, et hodie com-

municatio extendit rete quod universum orbem amplectitur et novum

acquirit sensum Christi admonitio: « Quod dico vobis in tenebris, dicite in

lumine; et quod in aure auditis, praedicate super tecta » (Mt 10, 27).

Verbum divinum, praeter formam typis editam, resonare debet etiam alias

per vias communicationis.361 Quapropter, una cum Patribus synodalibus,

gratias agere cupimus catholicis qui cum peritia provehunt validam

praesentiam in campo instrumentorum communicationis socialis, sollicitando

usque amplius peritiusque studium.362

Inter novas formas communicationis socialis maiorem in dies locum tenet

hodie usus interretis, quod novum forum constituit in quo oportet Evange-

lium resonet, ea tamen conscientia quod mundus virtualis numquam substi-

tuere poterit mundum realem et quod evangelizatio virtualitate oblata a novis

instrumentis communicationis socialis frui poterit ad instaurandas relationes

validas tantummodo si deinde ad personalem occursum veniatur qui qua talis

substitui nequit. In campo interretis, quo innumerae conspiciuntur imagines

in frequentissimis scaenis interretialibus totum per orbem, emergere debet

Christi vultus et vox eius audiri, quoniam « si Christo spatium non tribuitur,

nec homini spatium tribuitur ».363

Biblia et inculturatio

114. Mysterium incarnationis certiores nos facit Deum alia ex parte se

communicare semper certa in historia, assumendo culturales codices in ipsa

inscriptos, alia autem ex parte idem Verbum diffundi potest ac debet diversas

in culturas, mutando eas ab intra, per hoc quod Summus Pontifex Paulus VI

appellavit evangelizationem culturarum.364 Verbum Dei, sicut ceterum

christiana fides, ita indolem ostendit prorsus interculturalem, capacem

diversas culturas inveniendi et agendi ut eaedem inter se conveniant.365

361 Cfr. Nuntius conclusivus, IV, 11; Benedictus XVI, Nuntius ad XLIII Diem mundialem

communicationum socialium (24 Ianuarii 2009): Insegnamenti V, 1 (2009), 123-127. 362 Cfr. Propositio 44. 363 Ioannes Paulus II, Nuntius ad XXXVI Diem mundialem communicationum socialium (24

Ianuarii 2002), 6: Insegnamenti, XXV, 1 (2002), 94-95. 364 Cfr. Adhort. ap. Evangelii nuntiandi (8 Decembris 1975), 20: AAS 68 (1976), 18-19. 365 Cfr. Benedictus XVI, Adhort. ap. postsynodalis Sacramentum caritatis (22 Februarii

2007), 78: AAS 99 (2007), 165.