Acta Francisci Pp. 409

242. Patres adfirmaverunt « peculiarem discretionem esse necessariam ad

pastoraliter comitandos separatos, matrimonio solutos ac derelictos. Prae-

sertim accipiendus aestimandusque est dolor eorum qui iniuste passi sunt

separationem, divortium vel desertionem, aut coacti sunt, saeviente coniu-

ge, ut convictum relinquerent. Iniuriam patientibus haud facile est veniam

dare, sed iter est quod gratia efficere potest. Unde necessitas pastoralis

reconciliationis atque mediationis etiam ope huiusmodi sedium in dioecesibus

statuendarum ».259 Eodem tempore « personae per divortium seiunctae, quae

nuptias denuo non conciliarunt, quaeque saepe testes sunt matrimonialis

fidelitatis, adhortandae sunt ut in Eucharistia alimoniam reperiant quae

eas sustineat earum in vitae statu. Loci communitas et Pastores debent

sollicite comitari has personas, potissimum cum filii adsint vel ipsae gravi

inopia laborant ».260 Matrimonium detrimentum multo fit perniciosius et

acerbius cum egestas ingruit, quoniam minus copiarum habetur ad vitam

exigendam. Homo pauper, qui familiarem tuentem locum amittit, dupliciter

in solitudine periculisque omnis generis versantur, suae integritati infensis.

243. Magni est ponderis ut homines distracti, qui novo matrimonio iun-

guntur, percipiant se Ecclesiae esse partem, se non esse "excommunicatos"

neque ut tales tractari, quoniam semper participant communionem ecclesia-

lem.261 Hae condiciones « expostulant attentam discretionem et comitationem

magnae observantiae, quae omnes sermones habitusque depellant, ne ii

percipiant se esse separatos, atque ut ad vitam communitatis participan-

dam inducantur. Quod ii curantur, id christianae communitatis fidem et de

matrimonii indissolubilitate testificationem non extenuat, quin immo hac

cura ipsa suam ostendit caritatem ».262

244. Ceterum, magna pars Patrum « oportere dixit ut in promptu et

expediti essent et, si fieri posset, omnino gratuiti, modi agendi in causis

de matrimonii nullitate ».263 Diuturnitas processuum exasperat defatigatque

homines. Proxima duo Nostra de hoc argumento documenta264 planiorem

259 Rel Syn 2014, 47. 260 Ibid., 50. 261 Cfr Catechesis (5 Augusti 2015): L'Osservatore Romano, 6 Augusti 2015, p. 7. 262 Rel Syn 2014, 51; cfr Rel Fin 2015, 84. 263 Ibid., 48. 264 Cfr Motu proprio Mitis Iudex Dominus Iesus (8 Septembris 2015): AAS 107 (2015), 958-970;

Motu proprio Mitis et Misericors Iesus (8 Septembris 2015): AAS 107 (2015), 946-957.