Congregatio de Causis Sanctorum 1293

CONGREGATIO DE CAUSIS SANCTORUM

OVETENSIS

Beatificationis et Canonizationis Servae Dei Praxedis Fernández García Christifidelis Laicae et Matrisfamilias Tertii Ordinis Praedicatorum (1886-1936)

DECRETUM SUPER VIRTUTIBUS

« Quicumque enim fecerit voluntatem Patris mei, qui in caelis est, ipse

meus frater, et soror, et mater est » ( Mt 12, 50).

Serva Dei Praxedes Fernández García, mater familias, caelestis Patris

voluntatem laetitia per viam crucis secuta est, hoc in itinere, multae ca-

lamitates ei occurrentes eius animum non fregerunt sed in iis Serva Dei

vera soror et mater Christi evasit. Per quinquaginta annos vitae suae illa,

numquam intermisso labore, se tradidit singulari caritate ad proximum

serviendum, cuius semper summam servabat reverentiam.

Serva Dei die 21 mensis Iulii anno 1886 in pago v. d. Sueros non longe

a Mieres in Asturiarum Hispanico Principatu e viro dicto Caelestino, qui

operariorum in fodina erat moderator, et Amalia nata est. Eius familia

firmissima fide christiana, pie et exemplari modo vitam degebat, pietate ad

virtutem excitabat et laetitiam hilaritatemque aliis incolis illius metallicae

regionis communicabat. Praxedes die 26 mensis Iulii anno 1886 sacro fon-

te lustrata est et die 13 mensis Maii anno 1894 chrisma accepit. Puellula

taciturna, dulcis et amabilis, valde oboediens et officiosa iuxta collegium

Dominicanarum Adnuntiatae, quae fundatae sunt a Sancto Francisco Coll,

alumna fuit.

In iuventute domestica munera absolvit, rebus familiae parvulae taber-

nae et agrorum interfuit. Pietatis libros legebat, orabat et dum animalia

gubernabat acu consuebat. In officiis omnes praecedebat et suppeditabat,

iucunditate, dilucide dicendi facultate, ingenii sollertia, hilaritate et lenitate

valde praestabat. Doctrinam christianam pueris docuit et paroeciae maxime

se tradidit. Se consociavit sodalitio Filiae Mariae Immaculatae et sodalitati

Passio sub moderamine Patruum Congregationis Passionis Iesu.