GAUDISIEN. 99

vera, ait Patronus, Canonici primae erectionis usque ad nostros dies huic oneri satisfecerunt, nimirum per plusquam biscentos annos ; dum e contra Canonicis secundae erectio- nis, quando Episcopus Alpheram decreto anni 1741 taxam reduxit ad rationem trium pro centenario solvendam a bene- ficiis non redemptis vi praedictae Transactionis, hi Canonici protestati sunt se non teneri ad solutionem faciendam eo quia eorumdem praebendae institutae fuerant ex iis bonis Ecclesiae iam redemptis, et huiusmodi liberatio ab onere cito recognosci debuit. Quare, infert Orator , si Canonici primae erectionis, hac facili defensione uti non potuerunt, certum indicium est, eos vi transactionis immunes a con- troversa taxa non fuisse.

Dein Advocatus quaestionem solutionis altius repetens, advertit, nullum cadere posse dubium super facultate Epi- scopi, imponendi taxam seu contributionem pro erectione et sustentatione Seminarii, iuxta decretum Tridentinum Sess. 23, cap. 18 De reform., adeo ut, quemadmodum docet Card. De Luca, Annot. ad Sac. Conc. Trid. Disc. 25, num. 13, pro regula generali statuendum sit « quod ubi speciale indultum Sedis Apostolicae limitationem non suadeat, nulla detur privilegiata exemptio , etiam in ipsomet Episcopo ».

Fatetur Patronus, beneficiorum contributionem, per Con- cilium Tridentinum demandatam, esse pro Seminarii sub- stentatione, et quidem non absolutam esse, sed constituere remedium subsidiarium, donec scilicet Seminarium congrue provisum fuerit, et animadvertit, auctoritate apostolica factum esse, ut in erectione novae Dioecesis gaudisiensis, taxa seu contributio , quae iam favore Seminarii omnibus Beneficiis, non redemptis, imposita erat, Mensae episcopali pleno iure tributa fuerit. Ex quo, iuxta Oratorem , illud etiam patet, quod huic assignationi per Papam factae applicari haud amplius possit praedicta provisionis ratio ; cum per hoc praefata taxa seu contributio cessaverit esse remedium subsidiarium, et perpetuitatem acquisierit. Etenim ex una parte de potestate Papae in beneficialibus absoluta gravandi