818 Acta Apostolicae Sedis - Commentarium Officiale

super fama in genere et super virtutibus, conclusi cum paratione Positionis

super virtutibus. Tamen, varias ob rationes, Causa retenta est, sed fama

sanctitatis Elisabethae numquam cessavit. Studium Causae iterum ab anno

1990 est actum, atque alia magni momenti documenta reperta sunt, usque

ad illud tempus incognita. Iuridica validitas Processus Turritani die 11 men-

sis Martii anno 1994 a Congregatione de Causis Sanctorum est recognita.

Annis 1990-1996 Nova Positio super virtutibus est parata. Sessio Consul-

torum Historicorum die 22 mensis Aprilis anno 1997 est peracta. Peculiaris

Consultorum Theologorum Congressus die 20 mensis Novembris anno 2012

positive edixit de virtutibus Servae Dei. Patres Cardinales et Episcopi in

Sessione Ordinaria die 21 mensis Ianuarii anno 2014 congregati, me, Angelo

Cardinale Amato, moderante, edixerunt Servam Dei heroico modo virtutes

theologales, cardinales iisque adnexas excoluisse.

Facta demum de hisce omnibus rebus Summo Pontifici Francisco per

me, subscriptum Cardinalem Praefectum, accurata relatione, Sanctitas Sua,

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servae Dei

Elisabethae Sanna, Christifidelis Laicae, Viduae, Tertiariae professae Ordinis

Minorum S. Francisci, Sodalis Unionis Apostolatus Catholici a S. Vincentio

Pallotti conditae, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 27 mensis Ianuarii a.D. 2014.

angeluS card. amato, S.D.b. Praefectus

L. G S.

G marcelluS bartolucci Archiep. tit. Mevaniensis, a Secretis