410 Acta Apostolicae Sedis - Commentarium Officiale

reddiderunt agendi modum de declaratione nullitatis matrimonii. Per ea

voluimus etiam pateret ut « ipsum Episcopum in sua Ecclesia, cuius pastor

et caput constituitur, eo ipse esse inter fideles sibi commissos iudicem ».265

Idcirco « haec documenta exsequenda magnam tribuunt responsalitatem Or-

dinariis dioecesanis, qui ipsi vocantur ad nonnullas causas iudicandas et,

cuicuimodi est, ad faciliorem reddendum aditum fidelium ad iustitiam. Hoc

secum fert congruam personarum institutionem, clericorum scilicet et laico-

rum, qui peculiari modo huic ecclesiali servitio dent operam. Necessarium

ergo erit ut praesto sint hominibus separatis vel coniugibus in discrimine

versantibus officium notitiarum, consilii et mediationis, coniunctum cum

cura pastorali familiari, quae personas recipere quoque poterunt, praeviam

prospectantes inquisitionem matrimonialis processus (cfr Mitis Iudex Do-

minus Iesus, art. 2-3) ».266

245. Patres Synodales collustrarunt etiam « separationis vel divortii con-

sectaria in filios, qui semper victimae sunt innocentes harum rerum status ».267

Praeter omnes considerationes quae exponi possunt, ipsi primum obtinent

sollicitudinis locum, quae obscurari non debet ullo alio commodo vel fine. Ad

parentes separatos hanc admovemus supplicationem: « Numquam, numquam,

numquam filios obsides sumpseritis! Vos separastis ob tot difficultates et

rationes, vita vobis hanc dedit laborem, sed absit ut filii sint qui pondus

separationis ferant, ne adhibeantur tamquam obsides contra alterum coniu-

gem. Crescant autem audientes matrem bene de patre loquentem, etiamsi

non simul vivant, atque patrem bene de matre loquentem ».268 Haud respon-

sabile est imaginem patris vel matris delere, ut alteruter filii affectionem

sibi conciliet, ut ulciscatur, vel se tueatur, quia hoc damnum affert interiori

vitae huius parvuli et vulnera edit difficulter sananda.

246. Ecclesia, quamvis intellegat in contentionibus versari coniuges, de-

sinere non potest vox esse debiliorum, qui sunt filii dolentes, saepe silentes.

Hodie « quamvis animi sensu, qui videtur amplificatus, cunctisque nostris

acrioribus psychologicis inquisitionibus cumulemur, Nos ipsos interrogamus

an sensum amiserimus quod ad animae parvulorum vulnera attinet [...]

265 Motu proprio Mitis Iudex Dominus Iesus (8 Septembris 2015), Praemissa, III: AAS 107 (2015), 960.

266 Rel Fin 2015, 82. 267 Rel Syn 2014, 47. 268 Catechesis (20 Maii 2015): L'Osservatore Romano, 21 Maii 2015, p. 8.