1294 Acta Apostolicae Sedis - Commentarium Officiale

Die 25 mensis Aprilis anno 1914 nupsit Gabrieli Fernández, technico

artis electricae. In pago v. d. Figaredo in eodem municipio pagi Mieres

vixerunt. Serva Dei coniugi et filiis omnino se obtulit. Magno animo viri

sui aegritudines tulit, quia ille vir violentus et pietatis neglegens fuit. Serva

Dei eucharisticam ad mensam cotidie accedebat, pie Sanctissimum Sacra-

mentum visitabat et rosario exorabat. Eius vehemens amor in Dominum

apostolatus in officium effundebat. Mense Februarii anno 1920 vir eius

gravi in ferriviae casu mortuus est eamque reliquit una cum quattuor filiis

prima aetate. Magna paupertate et sine ullo beneficio iuxta suam matrem

in pagum Sueros se transtulit.

Hic illa consociationi dictae Matres Christianae Sanctae Monicae, quae

a Beato Manuel González fundata est, adhaesit. Mense Augusti anno 1934

evenit Sancti Dominici Tertiaria, nomen Catharinae sumens, cuius exemplum

valde secuta est in fervore orationi, in caritate, in paenitentia et in spiritu

apostolico. Magnifica et suavis erga omnes semper fuit, fulgidum exemplum

christianae mulieris praebens.

Summa animi fortitudine, anno 1931, calamitosam Arturi filii mortem

tulit. Propter religiosae libertatis deminutionem illius temporis et rerum

politicarum, flagitare ut sibi liceret crucem imponere super filii tumulum

debuit. Cum multitudinem in odium fidei martyrum sui temporis cognovisset,

dictitabat quod « cor suum e pectore erumpebat ».

Illis arduis in rebus Praxedes orationem, sacrificium et pauperum in-

firmorumque curam duplicavit. Pueros moribundos baptizabat, parentes ad

filios sacro fonte lustrandos, viros et mulieres una viventes ad matrimonii

sacramentum amplectendum, omnibus viribus incitabat. Fidei inimicis ora-

bat, quos tamen affabilitate tractabat, eorum ignorantiam excusans. Mulier

magna fide et caritate, omnia numera conditionis suae adimplebat. Si forte

Eucharistia ei negata sit, Serva Dei illa die dictitaverit: « Haec dies mihi

sine sole est ».

Una cum matre et propinquiis, post mensis Octobris rerum perturba-

tionem, anno 1934 Ovetum migravit. Novum bellum venturum in animo

suo percipiebat et aliquis commisit propositum offerendi se ut victima ex-

piationis. Maximam tamen servabat spem victoriae Sacri Cordis Iesu et

tutamen Virginis Mariae cuius devotissima fuit. Oveti viginti et duos menses

vixit usque ad mortem. Duos filios suos, matrem et sororem custodiebat