100. De sancto Wingnaloeo.

In 1. Vesperis.
Ad Magnificat.

A. Ave pater sanctissime,
Flos et decus ecclesiae,
Gemma fulgens in gloria
Monachorum laetitia,
Wingualoe, petimus,
Nos tuis salva precibus.

Ad Matutinum.
Invitatorium.

Plebs in laude Dei
meritis et Wingualoei

Exsultet modulis

et spiritualibus hymnis.

In 1. Nocturno.

Antiphonae.

1. Germine regali

fecunda Britannia sanctum
Coelitus electum
produxit Vingualoeum.

2. Qui geminis natis

velut ad numerum trinitatis
Tertius exsequitur,
fidei virtute potitur.
3. Hic puer eximiae

capiens documenta sophiae,
Christum dilexit,

cui mente perenniter haesit.

In 2. Nocturno.
Antiphonae.
1. Moribus insignis

Et nova lux patriac
fama radiabat ubique.

2. Parvulus emoriens,

quem vipera punxerat ingens,
Hujus opem meruit,
virus letale profudit.

3. Vivifico plenus

spiramine Wingualoeus
Aspersam sacra

defunctam suscitat unda.

In 3. Nocturno.
Antiphonae.
1. Lampas ecclesiae

doctor venerabilis iste,
Multos instituit

monitis et ad aethera duxit.
2. Exemplo Moysi

praecelso munere Christi
Divisit pontum,

transivit turba profundum.
3. Ut tetigit fluctus

baculi de cuspide justus,
Praebuit antiquum

coelestis gratia signum.

In Laudibus.
Antiphonae.
1. Laudibus intentus

divinis Wingualoeus
Saepius angelicae

concepit jussa loquelae.
2. Intererat coeli

secretis mente fideli.
3. Eximium patrem

pietatis et ubere matrem
Flebant discipuli

tanto duce destituendi.
4. Pro sibi commissis
oravit pastor herilis,
Plenius egregiis

quos instituit documentis.

5. Regem splendoris

collaudans omnibus horis
Laude celebrata

missae conscendit ad astra.

Ad Benedictus.
A. Gaude felix angelorum
perenni consortio,
Pie pater, filiorum
crebra consolatio
Tua Christo nos conjungat
dulcis intercessio.

In 2. Vesperis.
Ad Magnificat.

A. O pater Wingualoe,

dulcis in memoria,
Sed cum Christo jam perenni

dulcior in gloria,
Quibus ipse jucundaris

coeli inter vernulas,
Fac, ut ad coelestis agni

admittamur epulas.

ANALECTA HYMNICA

MEDII AEVI.