98. De sancta Margareta.

In 1. Vesperis.

Antiphonae.

1. Margaretam inclitam

Digne veneremur,

Moribus eximiam

Devote imitemur.

2. Virgo florem castitatis

Servans in honore,

Iugum Christi pietatis

Gestat in amore.

3. Regnum mundi et ornatum

Sprevit, amat caelica,

Corpus gerit illibatum

Vita fulgens angelica.

4. Tota mente, toto corde

Christo sponsa sine sorde

Servit, ut ardens facula

Amoris gerens iacula.

5. Audite hoc miraculum,

Videte hoc spectaculum,

Quod Margareta tenera

Scandit super sidera.

R. O oliva generosa

Lilio suffulta,

Rubens rosa non corrosa,

Moribus exculta,

Apud sponsum Christum regem

Recommenda nostrum gregem,

Ut vivamus in gratia

Et in perenni gloria.

V. Tuum privilegium

Ora nos sentire,

Esto reis refugium,

Levamen impertire.

Ad Magnificat.

A. Magnificat

Margaretam Dominus,

Dum ancillam humilem,

Castam, pulchram, pauperem

Martyrem respexit,

Quae mundum et daemonem,

Carnem et sanguinem

Potenter despexit;

Ergo suis precibus

Nostris victis hostibus

Nos ditet Dei filius

Huius sanctae virtutibus.

Ad Completorium.

Ad nunc dimittis.

A. Dominus magnifice

Hanc gemmam decoravit,

Dum sibi mirifice

Testem consecravit.

Ad Matutinum.

Invitatorium.

Rogi regum iubilantes

Laudum per insignia

Exsultemus venerantes

Margaretae sollemnia.

In 1. Nocturno.

In 2. Nocturno.

Antiphonae.

1. Domine, Dominus noster,

Valde es mirabilis,

Dum puella fragilis

Subicit sub pedibus

Omnia cum laudibus.

2. Caeli fulgens solio,

Solis amicta pallio

Tamquam sponsa de thalamo

Candore nitet niveo.

3. Domini virtus enarratur,

Parienti suffragatur,

Ubi pie invocatur

Margaretae vocabulum.

Responsoria.

1. Sancta Christi

virgo Margareta,

In Domino confisa,

In conspectu

Olybrii rapta

Christum est

constanter professa;

V. Caelo mente coniuncta

Terrena respuit cuncta.

2. Virgo Dei Margareta,

Igne sancti

spiritus repleta,

In conspectu principum

Loquebatur sapientiam

Turpem Olybrii

Confutans insipientiam;

V. Infirma mundi eligit

Deus, ut confundat fortia.

3. Integra virgo fide

post tortoris cruciatus

Tortorum poenas

varios carnisque rotatus

Transit constanter,

Christum confessa gratanter.

V. ''Quem vidit, quem amavit, in

quem credidit, quem dilexit.''

Antiphonae.

1. Dilexit haec munditiam,

Spernens mundi spurcitiam,

Hinc oleo laetitiae

Uncta exsultans gloriae.

2. Hanc suspensam in aere,

Tortorum cinctam verbere

Protexit in periculis

Impetus summi fluminis.

3. O inclita virguncula

Quae inter tot pericula

Fundata sanctis montibus

Conculcas hostis impetus.

Responsoria.

1. Dum oraret sancta virgo

In carceris ergastulo,

Ecce, surgens de angulo

Draco aspectu horrido

Sponsam Christi absorbuit,

Sed medius mox crepuit;

V. Tua, Christe, sunt opera

Tuaque haec miracula.

2. Erepta martyr nobilis

Diri draconis faucibus

Daemonem forma hominis

Cernit ligatum manibus,

V. Exsultans Dei laudibus

Virgo hunc premit pedibus.

In 3. Nocturno.

Antiphonae.

1. Conclusa virgo carcere

Draconis in effigie

A daemone arripitur,

Sed a Christo eripitur.

2. Extensis caelo manibus

Tripudiat in laudibus,

In adversis virgo laeta,

Spe gaudens, Deo replete.

3. Sancta Margareta, tuos

Famulos pio precatu

Ab omni culpa emunda,

Commendans Deo caelestium

Ut consortes facias gaudiorum.

Responsoria.

1. Sancta virgo Dei Margareta,

Spiritu et carne castigata,

De virtute in virtutem prodiit,

Unde in caelis lauream meruit,

V. Lampade succensa

vixit vigil irreprehensa.

2. In columbae specie

Virgo Margareta

Invitata gloriae

Plaudit laudes laeta,

Unde gaudens bodie

Psallit et propbeta:

V. ''Memor ero nominis tui, Do-

mine, in omni generatione.

''3. Martyr Cbristi Margareta,

Stella lucens et serena,

Quae ministros durae mortis

Superasti, tyro fortis,

Fac nos ita decertare,

Ut possimus triumphare.

V. Procum suis cum tormentis

Spernit virgo sanae mentis,

Sponsum regem benedicta

Quaerit colens indevicta.

In Laudibus.

Antiphonae.

1. O quam credibilia

Tua testimonia

Sunt facta, Iesu Domine,

In Margaretae sanguine.

2. Haec passa flagra, carcerem,

Draconis diram aciem,

Intrat in exsultatione

Portas vitae et coronae.

3. Sitiens Deum anima,

Ne tardarentur praemia,

Sub spiculatione supplicat,

Pro cunctis Deum postulat.

4. Gratias ago regi saeculorum,

Qui dignam me habuit

In sorte sanctorum,

Ipsi hymnum dico,

Laudans et glorifico.

5. Corporis dulci tympano

Et claro vitae organo,

Benesonanti cymbalo

Psallebat virgo Domino.

Ad Benedictus.

A. Beata Christi

virgo Margareta

Felicis triumphi

pugna completa

Tandem sub spiculatoris gladio

Animam reddidit Domino,

Clara terris

et per multa beneficia;

Benedictus

Deus super sidera,

De cuius illi

praestatur gratia.