Congregatio de Causis Sanctorum 99

voluntatem esse Dei percepit, qui eam ad vitam religiosam amplectendam

vocabat. Nam, magna munerum suscipiens molimina, in libellis suis « infinita

Dei fides » scriptum reliquit.

Proinde, ad civitatem v. d. Rimouski die 3 mensis Aprilis anno 1875

Maria Elisabetha accessit, quam piae quaedam praevenerant puellae, e qui-

bus soror eius Ludovica Turgeon. Huic coetui Dominus Langevin nomen

mox tribuerat Sororum a Parvis Scholis et Mariae Elisabethae propositum

suum bonas instituendi praeceptrices confisus erat, quae responsum ad

necessitatem institutionis christianae puerorum pauperum in agris fovendae

accomodatum darent. Die 12 mensis Septembris anno 1879, Serva Dei cum

duodecim sociis vota perpetua professa est. Exinde, in religione, Christum

tamquam Sponsum animae suae aspexit, cui nihil ipsa poterat denegare.

Ambitio eius fuit conversationis vitae ad Dei voluntatem accommodatio,

quam in cotidianis rebus et in auctoritatis et Spiritus consiliis experieba-

tur. Cum Superiorissa nominata esset, Soror Maria Elisabetha enisa est, ut

Congregationem explicatis normis legis fulciret, charta scilicet civili, cons-

titutionibus, Sororum conversationis regulis in missionibus ineundis et in

scholis moderandis. Anno 1880, pauperrimis etsi in adiunctis tres fundavit

« missiones » ac scholam liberam in eadem urbe Rimouski deinde aperuit,

ubi novitiae sese ad magisterium pararent.

Caritas equidem virtus fuit vitam eius quasi conglutinans. Maria Elisabe-

tha enim, amare didicit studendo, ut amaretur. Omnes diligebat, praesertim

Sorores, quas summa cura ac benignitate universas colebat pro earum salute

iugiter enixa ac de earum requisitis sedula. Quae ex dulcedine caritas eius

constabat: aliqua ex Sociis recordata est eam « sine iracundia et indigna-

tione » quidlibet dimittere et quidlibet a quolibet pati. Cum valetudo eius

cum institutricis vitae requisitis minime congrueret, Maria Elisabetha prae-

cellentem morum virtutem ac fortitudinem ostendit egregiam: nam, lepor

eius constans et aequitas vultus corporis sueta sinebant tormenta apparere

nulla atque eam summopere divino lumini oportuit communicare, ut studiis

interdiu noctuque attenderet et orationi sub lumen cerei laboribus operibus-

que ad necessaria haec per parvula manupretia procuranda. Mater Maria

Elisabetha patientia et gaudio famem pertulit frigidumque et infirmitatem

atque ad instar Iesu Christi pro calumniis aliquorum obieciit silentium.

Infirma autem Servae Dei amplius pati non potuit valetudo. Coram

morte, testimonium Sororibus dedit summae suipsius oblationis Domino,