Congregatio de Causis Sanctorum 819

AMAZONENSIS

Beatificationis et Canonizationis Servae Dei Seraphinae Cinque (in saeculo: Noë- mis) Sororis professae e Congregatione Sororum Adoratricum Sanguinis Christi (1913-1988)

DECRETUM SUPER VIRTUTIBUS

« Quam bonus Deus! ».

Haec, quae in ore Servae Dei Seraphinae Cinque (in saeculo: Noëmis)

iugiter recurrebant, verba tamquam summa exstant clarae eius et benig-

nae fidei in Deo, quae ad omnia laeta tristiave sub luce divinae caritatis

legenda eam duxit.

Serva Dei die 31 mensis Ianuarii anno 1913 Uricuritubae ad ripas Ama-

zonii fluminis e familia ab Italia oriunda nata est et ad regenerationis

fontem nomen Noëmis sumpsit. Cum parentes maximi cacai facti essent

productores ex universa Amazoniae regione, quo nuperrime tantum migra-

verant, genere ipsa locuples erat, quapropter optima Serva Dei imbuta est

christiana culturalique ac civili institutione, quae Manausii, ubi quattuor

annos scholam primariam frequentavit, apud Collegium Sororum a Sancta

Dorothea recepit, quod dein consentiente patre deseruit, cum spes vitae

religiosae amplectendae clare se aperuit. Studiis exinde in schola publica

perfectis, titulum magistrae scholae elementaris adepta est.

Munus statim docendi eidem commissum est primum in recessibus silvae

et, biduo post, Manausii, ubi operam pluribus in Institutis usque ad annum

1946 dedit, cum ad Civitates Foederatas Americae Septentrionalis una cum

Sororibus Adoratricibus Sanguinis Christi profecta est, quae interdum in

Brasilia condiciones ad missionem in valle Amazoniae ineundam ante exis-

timaverant. Nam, Servae Dei numquam anhelitum defecerat, ut religiosa

fieret, immo, eodem tempore, sive cum iuvenis studiis dedita erat sive

oneribus magistrae functa, ad navitates paroeciae et catechesim tradendam

sicut et diversas ad consociationes admodum attendit. De urbis pauperibus

praeterea moliebatur egenis, quos quo magis adiuvaret ministrae subsidiariae

infirmorum consecuta est titulum.

Dein, Serva Dei vota religiosa perpetua profiteri valuit, nomen sumens

Seraphinae, et arduo mandata est officio curandi, ut scholae Sororum Ado-