Dicit ergo : " Et in circuitu sedis, " id est Ecclesiae, " sedilia viginti quatuor, et super thronos viginti quatuor seniores sedentes. Sed contra : Matth. XIX, 28, non ponit nisi duodecim sedes, et duodecim sedentes. Responsio Haymo nis : " Dicuntur duodecim propter Apostolicam dignitatem qui judicaturi sunt cum Domino : sed viginti quatuor propter sanctos utriusque Testamenti, qui venturi sunt ad judicium cum Domino. " Unus vero est thronus propter judiciariam potestatem, quae una est, ut dictum est, supra, III, 21 : Qui vicerit dabo ei sedere mecum in throno meo. Sunt autem et duodecim propter Apostolicam dignitatem, in quibus omnes illi intelliguntur qui Apostolicam vitam duxerunt. Item, viginti quatuor propter merita Apostolorum, et Prophetarum.

Nota : Prius vocantur " sedilia, " moto vocat thronos, sed differenter. " Sedilia, " quia in eis Deus sedet, et quiescit : sed super thronos sedere dicuntur, quia ailios judicabunt. Sapient. III, 8 : Judicabunt Sancti nationes, etc.

Vel sic : a In circuitu sedis, " id est, Ecclesiae,." viginti sedilia quatuor, " id est, minores Sancti, qui fidem et charitatem tenent quam docent quatuor Evangelistae, cum sex operibus pietatis quae per senarium designantur : et viginti quatuor componitur ex sex et quatuor multiplicatis : " et super thronos viginti quatuor seniores, " id est, in Ecclesia majores.

" Sedentes. " Prius vocavit eos sedes : quia in eis sedet Deus : modo vocat sedentes, quia respectu inferiorum quos debent regere et informare in bonis operibus. Et nota, quod isti dicuntur viginti quatuor propter praerogativam duodecim Patriarcharum, a quibus Patres Veteris Testamenti originem traxerunt: et propter duodecim Apostolos, a quibus Patres Novi Testamenti ortum habuerunt.

" Circumamicti stolis albis, " scilicet, munditia duplici, scilicet, interiori, et exteriori : vel munditia cordis, et corporis. Eccle. IX, 8 : Omni tempore sint vestimenta tua candida.

" Et in capitibus eorum, " supple,judicum, " coronae aureae, " id est, vitam aeternam pro victoria vitiorum, quam in mundo obtinuerunt. Supra, II, 10 : Esto fidelis usque ad mortem, et dabo tibi coronam vitae.

Vel sic : " Circumamicti stolis albis, " id est, immortalitate corporis, " et in capitibus eorum coronae aureae, " quoad animae stolam, quae signatur per aurum, quia in auro fulgor, ecce cognitio : item, pretiositas sive valor, ecce comprehensio : in quibus consistit tota animae beatitudo.

" Et de throno procedebant fulgura, et voces, et tonitrua : et septem lampades ardentes ante thronum, quae sunt septem spiritus Dei. "

Hic describit sedem, id est, Ecclesiam per ea quae procedunt ab ea, et sunt tria : fulgura, voces, et tonitrua. in fulgure notatur paenae aeternae comminatio, vel

miraculorum coruscatio : in voce consolatio, vel beatitudinis promissio : in tonitruo paenae temporalis comminatio. Et quia omnia ista debent a charitate Ecclesiae procedere, ideo ponitur septiformis Spiritus in similitudine lampadis ardentis ante sedem descriptio, ibi, " Et septem lampades ardentes. "