820 Acta Apostolicae Sedis - Commentarium Officiale

ratricum a Statu Brasiliensi recognocerentur; et cum infirmorum ministrae

munera summa cum peritia simul et ardore exerceret, mulierum sarcinis

praesertim praegnationis oneratarum culmen iamiam facta est eminens et

signifer lucerna. Reliquos sedecim annos vitae, ab anno scilicet 1971 adus-

que annum 1987, Altamiram in Paraënsi dicione missa est, ubi vespertinis

horis in schola praeciperet aegrotisque apud nosocomium dioecesanum sub-

veniret, quod Episcopus ipse, Missionarius e Congregatione Pretiosissimi

Sanguinis, gerebat.

Eodem tempore, territorium illud eventu quodam summae magnitudinis

socialis signatum est, molitione scilicet viae, quae universam Amazonicam

Silvam transit. Cum innumeris enim in familiis inceptum illum potioris vi-

tae magnam suscitavit spem, ad loca permulti migraverunt Amazoniae, qui

autem immanes in difficultates incederunt, quasi ab omnibus derelicti et

certae morti destinati. Quibus Soror Seraphina auxilium refugiumque obtulit

omnibus et ipsa, stipem pro pharmacis alimentisque et vestibus emendis

quaeritans, mendicum genus vitae incohavit.

Hac a Parvula Sorore tam gracili et eximia pietate suffulta in proxi-

mum quemque, qui illis in inhumanis adiunctis viveret, populus magis in

dies sivit commoveri. Soror Seraphina Episcopum huc suasit, ut hospitium

quoddam pro egentissimis et praesertim pro mulieribus exstrueret, quae de

silva post dies itineris in trabariis vel alio simplicissimo vehiculo devectae

pervenirent, ut in valetudinario Altamirae parerent. Quod autem anno 1984

tantum valuit, etiamtum ineptis modestissimisque semper sedibus adhibitis.

Suavis Servae Dei indoles et fortis profundae eiusdem spiritualitati mire

adhaesit et implicans genuit amore refertum exemplar conversationis. Opus

eius pro bono humanitatis limpido intellectui fidei innitebatur, quem iam

infans domi sibi conciliaverat et suipsius cum Christo magis magisque cor-

roborare valuit occursum Verbo Dei, oratione et Eucharistiae participatione

enutritum. In Sororum Adoratricum Sanguinis Christi actuositatis gratia et

virtute Serva Dei aërem profecto invenerat menti ac rationibus suis spiritua-

libus omnino consentaneum in simplicitate puritateque et corporis animae-

que necessitatum populi sui sollicitudine perficiendis. Omnibus in adiunctis

numquam defecit, quominus sive doctrinae in paroecia tradendae ardore

fungens officio sive uti fundatrix animatrixque diversarum consociationum