102 GAUDISIEN.

matricis Ecclesiae iam ab ipsa redemptis. Sed nulla prorsus ratione idem contendere possunt Canonici primae erectionis, instat Patronus ; siquidem praeprimis eorumdem praebendae non ex integro, sed tantum pro parte fuerunt constitutae ex bonis matricis Ecclesiae ; et insuper etiam pro hac parte constitutae fuerunt antequam matrix Ecclesia sua bona rede- merit ; quando enim , matricis Ecclesiae bona anno 1667 redempta fuerunt, praedictae praebendae iam pleno iure institutae erant, partim ex bonis matricis Ecclesiae, ad hoc separatis et seiunctis a reliquis bonis eiusdem Ecclesiae ; partim ex eleemosynis Missarum et partim ex pio legati Maccanutii; institutionemque iam anno 1663 confirmaverat Alexander VII ; immo iam proprio contributionis onere sin- gulae gravatae erant.

Verum quia adversarii reponunt eamdem titulo taxae seu contributionis persolvisse summam sive ante, sive post in- stitutionem Praebendarum primae erectionis, usque ad annum 1667, matricem Ecclesiam, post segregationem Prae- bendarum a propriis bonis , pro iisdem Praebendis taxam solvere perrexisse ideoque pendendo pro redemptione, iuxta transactionem, septem annatas, seu septuplum taxae, rede- misse etiam Canonicorum praebendas ; respondit Episcopi Patronus quod, omisso non unice ex bonis matricis Eccle- siae Praebendas constitutas fuisse, licet petere ab Adversa- riis, ut demonstrent, quod affirmant, matricem scilicet Ec- clesiam, post Praebendarum institutionem, eamdem sol visse taxam ac antea solvebat. Mirum enim admodum videtur Advocato, argumentum adeo obvium, si vera essent exposita, non insiluisse in oculos Canonicorum anno 1742 , quando, reclamationibus interpositis contra catalogum beneficiorum non redemptorum ab Episcopo Alpheran confectum , Cano- nici secundae erectionis liberati sunt a taxa solvenda; non vero Canonici primae erectionis.

Quae omnia ad abundantiam dicta esse vult Patronus, qui asserit non praesumptionibus et coniecturis contra factum solemne continuum pacificae solutionis per bis ' centenarium