100. De sancta Margareta.

In 1. Vesperis.

Antiphonae.

1. Nobilis in genere,

generosior actibus aere,
Pauper flos fidei,
dives amore Dei.
2. Matre carens electa Deo,
cui virgo beata
Iungitur in cunis,
praevia stella suis.
3. Virgo Dei, gaude,

quam ditat gloria laude,
Te regnante polo
gaudeat omnis homo.
4. Esca timor, rigat unda sitim,
mens grata ministra,
Lectus terra, lapis,
mansio carcer erat.

Ad Magnificat.

Sancta [virgo] Margarita,

Indigentes refice,
Petra firma et polita,

Nos labentes sustine,
Tu medela aegrotatis,
Sanis odor pietatis,

Gemiscentes refice.

Ad Matutinum.
Invitatorium.

Christum Deum venerantes,
Margaritam collaudantes,
Venite, adoremus.

ln 1. Nocturno.
Antiphonae.
1. Lux erat in tenebris

non obscurata tenebris
Tus, aurum, dona
murrea mira ferens.
2. Cincta caput lauro,

iaspis, crystallus in auro,

Gemma clarens miseris,
semina grata serens.
3. Terrea linquentes

[lustrat] lux lucis egentes,
In lucem posuit

lux sine fine manens.
4. Proh dolor imbellis

tortorum caesa flagellis,
In visu populi
traditur agna Dei.
5. Agna lupum, caesa

caedentes vermibus esa
Vicit et illaesa
fructificavit ea.
6. Dedita tortori,

pia munera dans genitori,
Ut possit sprevit
vivere virgo mori.

Responsoria.

1. Copiosae castitatis
virgo plena floruit,
Quae columbam laureatis

delegare meruit,
Qui cruore et maerore
baptizantur proprio;
V. Baptizati visa ave
Baptizanti dicunt ave
Invito Olybrio.
2. Virgo Dei gloriosa
Stetit in periculo,
Margarita pretiosa
Facta in propatulo,
V. Sanctis sancta sociata

Plena fuit gloria.
3. Innocentem deglutivit

Rufus nocens proditor,
Ventre scisso diffinivit
Litem caeli conditor,
V. Hostem trusit, hanc exclusit

Pietatis gratia.
4. Heu, quo progreditur
Praevaricatio,

Serpens egreditur

Telluris gremio,
Hanc qui aggreditur

Ritu fratris solito,
Victus conteritur

Virginis imperio
V. Serpens mira referens,
Esse suum conquerens,

Precis cadens gladio.

In 2. Nocturno.

Antiphonae.
1. Lamech planitie

recreavit milia quinque,
Margarita, Deus

vivit ad astra vocans.
2. Area poenarum

latescit, cedit amarum,
Huic pro morte salus,
fit bonus ante malus.
3. Omnia qui donat,

qui sanctos laude coronat
Hac mediante Deus
suscitet ipse reos.
4. Hunc regat illa chorum,

populum quae rexit bonorum,
In Lamech Domino
sit pia virgo pio.
5. Expurget miseros,

maculis emundet ocellos,
Cui Deus occurrit,
cui diadema dedit.
6. Abscisso capite

caelesti reddita vitae,
Terrea discedit,
caelica vita redit.

Responsoria.
1. Inter suos aliena,
Verae vitis virgo vena
Vana sprevit et obscaena
Salvatoris fruens cena,
V. A telluris traxit faece
Necatorem sua nece.

2. Instiganti et latranti
Mitis fuit populo,
Quem convertit et bipertit
A pseustis ergastulo,
V. Hostem trusit, hunc exclusit

Ab omni periculo.
3. Modo vili, pleno bili
Atque deceptorio
Haec afflicta et districta
Stetit in praetorio,
V. Huius vultus et non cultus

Placuit Olybrio.
4. Lux in nube latuit,
Sed eclipsis nescia,
Dum sub felle meruit

Sibi dari dulcia,

Inter spinas floruit

Summi patris filia;

V. Creatorem creatura

Recolendo mente pura

Intravit caelestia.

In 3. Nocturno.
Ad Cantica.

A. Caelum colens, caelica,
Te colentes cole,
Vi virentes modica,

Gravi pressos mole,
Pia fove ethica
Vero lustrans sole.

Responsoria.
1. Inter faeces inculcata
Pide caecis oculata
Visum dedit, fecundata
Conditoris pneumate,
V. Verberantes verberaui
Ad se traxit prece grata
Adsignavit chrismate.
2. Hic in valle lacrimarum,
Quae non sevit, messuit,
Dum potavit fel amaram,
Patri summo placuit,
V. Propinanti propinavit
Vitae potum domina

Et potatum collocavit
In caelesti gloria.
3. Hanc redemit Elisaeus,
Quo respirat omnis reus,
Demum cibat Melibeus,
Ut notavit Thimotheus,
T. Acta cuius intellexit
Olim tecta, post detexit,
Ut sint in memoria.
4. Pane caeli recreata
Panis vivi vere nata,
Esto nobis, virgo grata,
Egenis suffragio;
V. Salva sanos, aegros sana,
Mitigandum verum pana
Dedisti naufragio.

In Laudibus.

Super Psalmos.

A. Virgo triumphalis,

Christi dilecta sodalis,
Nos refove, pravi
intima terge mali.

Ad Benedictus.

A. Virgo, decor puellaris,
Quae cum Deo gloriaris

Nobis sis antidotum,
Sic vis degat temporalis,
Ut perennet spiritalis

Rectam praebens methodum.

Per Horas.
Ad Primam.
A. Sol inclinans radios
obvius descendit,

Dum haec stella solium
caelicum ascendit.

Ad Tertiam.

A. Hac consorte plauserat
angelorum chorus,
Luxu stellae fulserat
supernorum thorus.

Ad Sextam.

A. Pange, lingua, modicum
supplicantes doce,
Ut paterna volucris
hanc vocavit voce.

Ad Nonam.

A. Ut fruamur virginis
speciosis genis,
Collaudate [pueri]
Dominum de caelis.

In 2. Vesperis.
Ad Magnificat.

V. Laudabilem Dominum

Omnes in hoc festo
Summo cordis iubilo

Laete collaudemus,
Haec est enim puella nobilis,

Caelesti regi desponsata
Et in sede gloriae

A dextris collocata.

Druckfehler.

S. 181 Zeile 3 von oben lies sponsi statt sponsae.
S. 255 ist ausgelassen: In 2. Vesp, ad Magn.:
A. Magnificet sanctum

devotio nostra Livinum,
Sanguine purpureum

civem super astra locatum;
O martyr, salve,

per saecula cuncta patrone,
Suscipe servorum
pia semper vota tuorum.