Acta Benedicti Pp. XVI 783

Deum praecipue oratione, eleemosyna et ieiunio verentur. Agnoscimus in

Islamica traditione plurima esse imagines, symbola ac themata biblica.

Prosequentes magni momenti operam Venerabilis Servi Dei Ioannis Pauli

II, exoptamus ut necessitudines fiducia inspiratae, quae aliquot ante annos

sunt initae inter christianos et muslimos, sinceri ac reverentis dialogi spiritu

progrediantur et evolvantur.378 Hoc in dialogo, exoptavit Synodus, ut penitus

inspicerentur sive reverentia vitae uti valoris fundamentalis, sive leges

inalienabiles viri et mulieris sive par eorum dignitas. Prae oculis habita

differentia inter ordinem socialem-politicum atque ordinem religiosum, reli-

giones contribuere debent ad bonum commune. Synodus postulat a Confe-

rentiis Episcoporum ut, ubi hoc opportunum visum fuerit et proficuum,

occursus foveant mutuae cognitionis inter christianos et muslimos ad promo-

vendos valores quibus societas indiget pro pacifico ac positivo convictu.379

Dialogus aliis cum religionibus

119. Hoc in rerum contextu manifestare insuper cupimus reverentiam

Ecclesiae erga antiquas religiones et traditiones spirituales quae in variis

Continentibus exsistentes amplectuntur valores qui comprehensioni inter

personas et populos magnopere favere possunt.380 Frequenter animadverti-

mus syntoniam cum valoribus manifestatis etiam in eorum libris religiosis,

quales sunt, exempli gratia, vitae reverentia, contemplatio, silentium, sim-

plicitas in Buddhismo; sensus sacralitatis, sacrificii et ieiunii in Hinduismo;

necnon familiares et sociales valores in Confucianismo. In aliis quoque expe-

rientiis religiosis sinceram reperimus attentionem ad Dei transcendentiam,

qui tamquam Creator agnoscitur, ad reverentiam quoque vitae, matrimonii

et familiae necnon ad solidum solidarietatis sensum.

Dialogus et libertas religiosa

120. Dialogus tamen fecundus non esset si authenticam cuiusque perso-

nae observantiam non contineret, ita ut ipsa libere suae religioni adhaerere

possit. Quapropter Synodus, dum cooperationem promovet inter praestan-

tiores diversarum religionum delegatos, « necesse item esse monet, ut omnium

378 Cfr. Benedictus XVI, Allocutio ad Legatos Nationum plerumque Macometanae doctrinae

apud Sedem Apostolicam receptos (25 Septembris 2006): AAS 98 (2006), 704-706. 379 Cfr. Propositio 53. 380 Cfr. Propositio 50.