Congregatio de Causis Sanctorum 821

ecclesialium, necnon milium alumnorum sedula institutrix atque pauperum

infirmorumque indefessa ministra Evangelii nuntium iugiter ferret.

Dimidio fere anno 1987, Serva Dei, gangliorum lymphaticorum tumoris

signis ostensis, Altamiram deseruit et infra annum acria inter corporis

tormenta transactum Manausii die 21 mensis Octobris anno 1988 peregri-

nationem suam in mundo consummavit.

Hanc ob sanctitatis famam Causa Beatificationis et Canonizationis apud

Curias Archiepiscopales Amazonensem et Belemensem de Pará atque Prae-

laturam Territorialem Xinguensem inita est per celebrationem Inquisitionis

dioecesanae a die 7 mensis Iulii anno 2000 ad diem 29 mensis Septembris

anno 2003, cuius auctoritas et vis iuridica a Congregatione de Causis Sanc-

torum die 17 mensis Decembris anno 2004 probatae sunt. Positione confecta,

die 28 mensis Septembris anno 2012 in Congressu Peculiari Consultorum

Theologorum prospero cum exitu disceptatum est, iuxta consuetudinem, an

Serva Dei more heroum virtutes christianas exercuisset. Patres Cardinales

et Episcopi in Sessione Ordinaria diei 7 mensis Ianuarii anno 2014, cui

egomet ipse Angelus Cardinalis Amato praefui, professi sunt Servam Dei

virtutes theologales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis in gradu heroico Servae Dei Seraphinae

Cinque, Sororis professae Instituti Sororum Adoratricum Sanguinis Christi,

in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 27 mensis Ianuarii a.D. 2014.

angeluS card. amato, S.D.b. Praefectus

L. G S.

G marcelluS bartolucci Archiep. tit. Mevaniensis, a Secretis