Acta Francisci Pp. 413

dam, cura adhibita ut vitetur « omne signum iniustae discriminationis »,276 et

praesertim omne genus aggressionis et violentiae. Quod autem ad familias

attinet, oportet officiosa agatur comitatio, ut qui in homosexualitatem in-

clinantur subsidiis necessariis frui possint ad intellegendam efficiendamque

sua in vita Dei voluntatem.277

251. De dignitate ac familiae missione procedente disceptatione, Patres

synodales planum fecerunt « de propositis comparandi coniunctiones inter

homosexuales cum matrimonio nullum exstare fundamentum quae aequa-

tiones vel similitudines instituant, ne remotas quidem, inter coniunctiones

homosexuales et Dei consilium de matrimonio familiaque »; atque est im-

probandum « locales Ecclesias hac in re coerceri et internationalia instituta

condicionibus pauperes Nationes adstringere, ut leges ferant de "matrimo-

nio" inter eiusdem sexus personas ».278

252. Familiae monoparentales saepe oriuntur e « matre vel patre biologico

nolenti umquam se in vitam familiarem immitti, e circumstantiis violentiae

a quibus alter parens coactus erat aufugere una cum filiis, e morte alterius

parentis, e desertione a familia alterius parentis, aliisve condicionibus. Quae-

cumque est causa, parens qui cum filio habitat sustentaculum consolatio-

nemque inveniat oportet apud alias familias quae constituunt communitatem

christianam, necnon apud instituta pastoralia paroeciae. Hae familiae saepe

rebus oeconomicis, incertitudine operis instabilis, difficultate filios alendi,

deficiente domu ultra gravantur ».279

mortiS aculEuS

253. Nonnumquam vita familiaris tangitur morte cuiusdam personae ca-

rae. Non possumus id praeterire quin offeramus fidei lumen ad comitandas

familias quae hos casus patiuntur.280 Si familia, mortuo aliquo, desereretur,

misericordia concideret, pastoralis opportunitas amitteretur, quae ianuas

obserare potest ad quamvis evangelizationis operam praestandam.

254. Intellegimus aegritudinem illius qui amatissimam personam amisit,

coniugem quocum tot res communicavit. Ipse Iesus fremuit spiritu et plora-

276 Cfr Catechismus Catholicae Ecclesiae, 2358; Rel Fin 2015, 76. 277 Ibid. 278 Rel Fin 2015, 76; congrEgatio dE doctrina fidEi, Considerazioni circa i progetti di

riconoscimento legale delle unioni tra persone omosessuali, (3 Iunii 2003), 4. 279 Rel Fin 2015, 80. 280 Cfr ibid., 20.