Congregatio de Causis Sanctorum 1297

ROMANA

Beatificationis et Canonizationis Servae Dei Carmelitidis a Iesu (in saeculo: Fran- ciscae Paulae Prestigiacomo) Fundatricis Instituti Sororum a Sacro Corde Verbi Incarnati (1858-1948)

DECRETUM SUPER VIRTUTIBUS

« Verus, primus et unus modus se et alios sanctificandi est amor. Amor

est recta via quae profecto ducit in caelum: omnes aliae viae, sine amore,

sunt obliquae et numquam pervenient ad exspectatum finem ».

Amor Dei et fratrum et incrementum intimae vitae, ut patefaciunt his

brevis verbis scriptis patri spirituali mense Octobre anno 1903, fuerunt cor

et charisma Servae Dei Carmelitidis a Iesu Prestigiacomo.

Serva Dei nata est Panormi die 15 mensis Octobris anno 1858 et bap-

tisma percepit nomine Francisca Paula. Sexta nata modestae familiae, in-

fans educationem christianam accepit et adulescens signa vocationis vitae

consecratae intellexit. Agens annum septimum decimum, iniit Institutum

Sacrorum Cordium civitatis suae, educationi puellarum deditum, ubi, postero

anno, vota emisit temporalia et nomen Carmelitidem a Iesu accepit. Hic

ea egit novem annos vitae religiosae. Hoc primo tempore Soror Carmelitis

consecuta est diplomam magistrae et dedit se puerili doctrinae. Vehementis-

sima fuit exercitatio precis eius et Carmelitis etiam interioribus allocution-

ibus et mysticis rebus fruita est. Uno horum eventuum, intellexit Dominum

postulare ab ea ut novam institueret familiam religiosam in qua, praeter

severum modum vivendi, inter se charismata actionis et contemplationis

consentirent. Post asperas corporis et conscientiae temptationes, iunctas

rebus divinis, duce eius patre religioso mense Maio anno 1884 Serva Dei

decessit Instituto Sacrorum Cordium et rediit in familiam ut sanaretur et

ad novam experientiam se pararet.

Die 14 mensis Septembris eodem anno, sobrio ritu, condidit Institu-

tum "Sorores Sacri Cordis, sub titulo Incarnatione". Ipsa primam Regulam

scripsit, genibus nixa, et die 16 mensis Aprilis anno 1890 consecuta est

dioecesanam assensionem. Institutum sic appellatum est usque ad annum

1902, cum Summus Pontifex Leo XIII concessit Decretum Laudis: Congre-

gatio ab eo tempore appellata est "Sorores Sacri Cordis Verbi Incarnati".

Hic, Mater Carmelitis, cum prima sodale Euphemia Re, plene patefacere