102 Acta Apostolicæ Sedis - Commentarium Officiale

Nocte quadam precationis, tenebrarum certaminisque ad reliqua de

vera praesentia Christi in Sanctissima Eucharistia superanda dubia, Bea-

tae Mariae Virginis Reginae Victoriarum invocata intercessione, Serva Dei

die 30 mensis Aprilis anno 1873 gratiam conversionis redemit et, die 11

mensis Maii eiusdem anni, in Ecclesia catholica sub condicione baptizata

est ac Primam Communionem recepit necnon, die 8 insequentis mensis

Iunii, sacramentum Confirmationis. In toto itinere suo spirituali Sanctum

Franciscum Assisiensem typum habuit et exemplar, cuius Regulam tandem

die 19 mensis Martii anno 1875 in Tertio Ordine professa est.

Peculiari Providentiae consilio, die 26 mensis Maii anno 1881, Maria

Ioanna ad Materiam insulam advenit, ut infirmae cuiusdam dominae anglae

munere fungeretur ministrae. Eo in venusto simul et paupertati adstricto

aequore ponti Serva Dei plenitudinem vocationis suae adepta est. Episcopus

Dioecesis Funchalensis eam in Ecclesiae localis servitio iamiam illigavit,

quae mira cum apostolicae caritatis sollicitudine ad officium doctrinae pueris

tradendae et ad aegrotos apud eorundem domos visitandos se contulit. Iuve-

nibus quibusdam puellis insulanis in actuosae caritatis operibus sociatis, die

15 mensis Ianuarii anno 1884 initium dedit Congregationi Sororum Sancti

Francisci a Domina Nostra Victoriarum, quae ad perpetuam memoriam

dicitur gratiae conversionis Matris Dei intercessione ab ipsa obtentae.

Die 15 mensis Iulii anno 1891, Sororis Mariae a Sancto Francisco sumpto

nomine, vota religiosa perpetua professa est et apud antiquum Valetudina-

rium Misericordiae inservire cepit. Funchaliae dispensarium gratuitum, or-

phanorum hospitium Sanctae Elisabeth et Collegium Sancti Georgii fundavit.

Caritas Servae Dei heroum modo in luibus varioli ac pestis pulmonariae

fulsit, quae inter menses Martii et Septembris anno 1907 populum Materiae

dire vexaverunt, cum in nosocomio Funchaliensi pro peste infectis curandis

supra quadringentos accepit infirmos et auxilio sociarum curavit moribun-

dos. Hanc propter miram ac navam benignitatem, rex Lusitaniae Servam Dei,

quam omnes Bonae Materculae acclamabant nomine, tituli Equitis ex Ordine

Turris ac Spathae Virtutis, Fidelitatis et Meriti causa honore honestavit.

Quae autem elogia altissimam Mariae Ioannae nihil attigerunt humilitatem.

Tristia lugendaque quaedam virtutem huius fortis corroboraverunt mu-

lieris. Nam, ineunte mense Octobris anno 1910, instituta religiosa omnia in

Lusitania Republica suppressa sunt ac professi advenae exinde expulsi. Die

14 mensis Octobris anno 1910, ipsa apprehensa est, Funchaliae in Arce Sancti