822 Acta Apostolicae Sedis - Commentarium Officiale

VERONENSIS

Beatificationis et Canonizationis Servi Dei Iosephi Girelli Sacerdotis Dioecesani

(1886-1978)

DECRETUM SUPER VIRTUTIBUS

« In carcere eram, et venistis ad me » ( Mt 25, 36b).

Servus Dei Iosephus Girelli, sextum misericordiae opus, nempe detentos

in carcere visitandi, sibi assumpsit, suae operositati omnimodum caritatis

vigorem adiungens et insimul laicos instituens christifideles ad missiones

detentis in carcere ferendas. Apud scholam Iesu et Francisci Assisiensis,

didicit solam caritatem, fraternum nempe et christianum amorem, abyssum

qua mundus carceris a mundo libertatis separatur replere posse. Quamobrem

non tantum condicionem vitae reclusorum cognoscere voluit, verum etiam

iisdem adsidere ut eorum vitae et tribulationum particeps fieret.

Iosephus Girelli die 10 mensis Ianuarii anno 1886 Veronae natus est,

et, paulo post, die 17 eiusdem mensis baptismatis lavacro ablutus est in

ecclesia Sanctae Mariae Magdalenae in pago v. Dossobuono, qui pars est

urbis Villafranca Veronensis. Hic enim mense Maio anno 1892 ad primum

eucharisticum convivium accessit. Expletis elementariis curriculis, studia

Veronae prosecutus est apud Institutum Stigmatum. Deinde indicia per-

sentiens sacerdotalis vocationis, frequentavit Seminarium dioecesanum, ubi

studia secundaria perfecit et theologica. Die 7 mensis Augusti anno 1910

sacro presbyteratus ordine est insignitus.

Primum mandatum implevit se conferens in Villam Atesinam, viculum

Provinciae Rhodigiensis, dioecesis Veronensis, qua vicarius cooperator pa-

roeciae. Mense Augusto anno 1918 tamquam rector ingressus est, et, ipso

tempore quo erigebatur ad gradum paroeciae anno 1928, uti parochus in

locum Rosegaferro, ex Villafranca Veronensi, ubi moratus est usque ad annum

1951, uberes spirituales colligens fructus. Hic enim ab anno 1933 perfecit et

disposuit Piam Unionem Sacerdotalem pro gratuitis missionibus in Institutis

carcerariis, in quibus pastorali opere maxime praestitit.

In eius spiritu clarius in dies persuasio eminebat Iesum in terram ad-

venisse ad salvandum quod perierat, ad errantem ovem quaerendam, ad