1298 Acta Apostolicae Sedis - Commentarium Officiale

potuit charisma suum, mirabilem vitam intimam, auctam a donis mysticis,

magnae operae pro minimis et pauperrimis iungens.

Institutum novum, quod gradatim per Italiam meridionalem diffusum est,

praecipue per Siciliam et Calabriam, et hodie praesens multis nationibus

mundi, ponit religiositatem suam in mysteriis incarnationis et redemptionis,

quae Serva Dei comprehendet locutione « Amor Misericors Patris patefacti

in transfixo Corde Iesu Verbi Incarnati ». Doctrina et praecipue fervido

testimonio, Fundatrix affirmavit perpetuo: « Caritas signum Instituti esse

debet », ut exprimat "sensus Cordis Christi" ( Fil 2, 5). Ea prima vitam

egit eximiam et rogavit Alias spirituales profundum spiritum pietatis, sic

ut impelleret res apostolicae praecipue incremento humano, communi et

christiano infantiae et iuventutis et beneficio dignitatis mulieris.

Fervens spiritualitas Servae Dei inveniebat vim et causam intimo vinculo

cum Iesu, Verbo Incarnato. Eius fides sustinebat se adsidua prece alta ab

Eucharistica fonte. Mirabilis erat etiam eius reverentia Virginis Mariae,

quam implorabat cotidie recitans rosarium.

Haec religiositas infixa et sibi constans pervadebat actiones et verba

eius, a quibus apparebat amor Dei, cui aspexit assidue in actionibus, in

operibus et in molesta infirmitate, quae eam comitata est reliqua parte

vitae, accepta placida spe. Eadem vi Mater Carmelitis vixit caritatem proxi-

mi, quem amavit sinceritate et magnanima deditione. Christum videbat in

omnibus hominibus; maxime autem infantes, indigentes, aegrotantes atque

inopes intentionem et curas eius acceperunt.

Non minore ardore ea coluit virtutes, praecipue prudentiam in adminis-

trando, excitans in eis qui noverunt eam admirationem eius sensus iustitiae,

fidei et respectus erga omnes.

Serva Dei saepe electa fuerat Superiorissa Generalis, usque ad annum

1947, cum delectus ob ingravescentem aetatem eius abrogari debuit. Cir-

cumdata fama sanctitatis, Mater Carmelitis pie requiescit in Domino Romae

die 14 mensis Decembris anno 1948. Exuviae eius ab anno 1973 translatae

sunt in cellam Domus generalis.

Propter hanc famam, a die 13 mensis Mai anno 1991 usque ad diem 13

mensis Aprilis anno 1994 apud Vicariatum Urbis celebrata est Inquisitio

dioecesana, cui auctoritatem legitimam attribuit haec Congregatio Decreto

die 15 mensis Octobris 1994. Parata Positio, quaesitum est, more solito, an

Serva Dei heroico gradu virtutes exercuisset. Exitu propitio, die 2 mensis