534 Acta Apostolicae Sedis - Commentarium Officiale

URITANA

Beatificationis et Canonizationis Servae Dei Mariae Antoniae a Sacro Corde Iesu (in saeculo: Rachelis Lalìa) Fundatricis Congregationis Sororum Dominicanarum a Sancto Sixto (1834-1914)

DECRETUM SUPER VIRTUTIBUS

« Tentatio vos non apprehendit nisi humana; fidelis autem Deus, qui

non patietur vos tentari super id quod potestis, sed faciet cum tentatione

etiam proventum, ut possitis sustinere » ( 1 Cor 10, 13).

Serva Dei Maria Antonia a Sacro Corde Iesu (in saec.: Rachelis Lalìa)

crebris in difficultatibus, quas usque ad extremum vitae tulit, bene cognovit

fidelitatem Domini erga filios suos et vim gratiae ad culmina sanctitatis per-

sequenda et progressum operarum, quas ei divina providentia commendavit.

In pago v.d. Misilmeri in Sicilia, Serva Dei die 20 mensis Maii anno 1839

nata est, ex duodecim filiorum familia religiosissima, e conubio Vincentii,

qui forensem artem exercebat, et Antoniae Bonanno. Septima fratruum fuit

et insequenti nativitatem in die baptismum recepit Rachelis nomen sumens.

Lineamenta propria eius pueritiae fuerunt amor in pauperos, paenitentia,

recessus et denique oratio, cuius fulcrum in Christo et in Sanctissima Matre

Virgine Maria semper habuit.

In consuetudine cum Sororibus Dominicanis Collegii Mariae suo in pago

studium litterarum elementarium incepit et se ad primam Communionem

paravit, quam septimo anno aetatis accepit. Anno 1854, alumna recepta est

in supradicto collegio ibique suo in corde mature adhaesionem securam ad

religiosam vocationem deliberavit, cum auxilio optimi spiritualis moderami-

nis, quae tribulationes sua in vita non subtraxit, quas tamen oppetiit, usque

ad finem vitae necessariam vim ad eas sustinendas inveniens in eucharistica

devotione et in laeta actione gratiae Domini, qui easdem concesserat.

Die 27 mensis Martii anno 1856 vestem Sancti Dominici induit et nomen

Sororis Mariae Antoniae a Sacro Corde Iesu sumpsit matris in memoriam

quam nuper amiserat. Die 29 mensis Octobris anno 1857, sollemnem pro-

fessionem emisit atque omnino et usque ad mortem se ad Dei voluntatem

tradidit. Dominus eam in animo singularissimis gratiis locupletavit, quae

adequate se disposuit ut feliciter efficeret suum officium, quod Deus ei

statuisset. Anno 1864 munus magistrae novitiarum accepit et insequenti