1 0 4 GAUDISIEN.

lit italice exaratum , cuius haec summa est. Memorat in primis iam ab anno 1560 impositam mediaedecimae taxam Capitulo fuisse pro Collegio Melitensi, quod a Patribus rege- batur Societatis Iesu : Capitulum vero huius oneris extin- ctionem postulavisse a S. Rota, quae iudicavit taxam am- plius non deberi.

Quod si, pergit canonicorum procurator , Patres Socie- tatis Iesu provocaverunt, pendente appellatione, lis anno 1671 per transactionem composita fuit, hisce conditionibus. Ec- clesia cathedralis solvere tenebatur scuta mille ac triginta monetae melitensis; canonici Collegiatae Gaudisiensis cete- rique dioeceseos beneficiarii scuta mille centum septuaginta quinque adiicere debebant. Patres autem Societatis Iesu ius ad mediamdecimam omnimo abdicabant. Si vero forte con- tingeret, ut aliquis ex obligatis transactionem non servaret, eo casu Cathedralis pro eo solvere deberet cum iure rein- tegra tionis. Quae concordia approbationem Episcopi ac San- ctae Sedis obtinuit.

Quamobrem, ait, iuxta transactionis terminos , minime admittenda est « 7<2 distinzione dei benefizi redenti ed irre- denti » quam revmus Episcopus Gaudisiensis in litteris ad S. C. C. posuit. Nam omnia beneficia, quae eo tempore ere- cta fuerant, sive ex directa solutione, sive ex Cathedralis obligatione redempta fuerunt.

Ceterum, subdit idem procurator, dubium veritati cedere debet. Ac veritas est Ecclesiam collegiatam Gaudisiensem suam portionem solvisse, cui obnoxia per transactionem manebat. Neque obiciendum existimat quod Rmus Episco- pus ad S. C. C. ita exposuit; « Nè essi (nempe canonici prioris erectionis) possono dire che la Chiesa Collegiata redimendo i proprii beni abbia redento le loro prebende ». Nam canonicorum procurator propugnat Collegiatae libera- tionem etiam pro canonicis prioris erectionis mediaedecimae extinctionem peperisse.

Huius assertionis ratio, iuxta canonicorum procuratorem, deducitur ab ipsa natura praebendarum canonicalium. Haec