Acta Benedicti Pp. XVI 785

Nova evangelizatio et nova auditio

122. Nostra igitur aetas magis in dies aetas esse debet novae Verbi

Dei auditionis et novae evangelizationis. Praecipuum locum divini Verbi in

vita christiana reperire ducit nos itaque ad detegendum altiorem sensum

monitionum quae Summus Pontifex Ioannes Paulus II vehementer repetere

consueverat, nempe, ut continuaretur missio ad gentes cunctisque viribus

susciperetur nova evangelizatio, maxime apud illas nationes ubi Evangelium

oblivioni datum est vel indifferentiam patitur apud plerosque ob diffusum

saecularismum. Spiritus Sanctus suscitet apud homines famem sitimve Verbi

Dei atque ferventes praecones testesque Evangelii.

Exemplum sequentes praeclari Apostoli gentium, qui vitam suam muta-

vit postquam audivit vocem Domini (cfr. Act 9, 1-30), nos etiam divinum

Verbum audimus quod semper hic et nunc personaliter nos interpellat.

Spiritus Sanctus, ut narratur in Actibus Apostolorum, segregavit Paulum

una cum Barnaba ad praedicationem divulgationemque Bonae Notitiae

(cfr. 13, 2). Similiter etiam in praesens Spiritus Sanctus vocare non desistit

persuasos ac persuadentes auditores et praecones Verbi Domini.

Verbum et gaudium

123. Quo dociliores erimus divini Verbi, eo altius deprehendere poteri-

mus mysterium Pentecostes etiam hodie in actu esse apud Ecclesiam Dei.

Spiritus Domini sua dona effundere pergit super Ecclesiam, ut perducamur

ad plenam veritatem, nobis aperiens sensum Scripturarum et nos reddens in

mundo praecones credibiles Verbi salutis. Sic redimus ad Primam Epistulam

sancti Ioannis. In Verbo Dei nos quoque audivimus, vidimus atque contrec-

tavimus Verbum vitae. Per gratiam accepimus nuntium quod vita aeterna

manifestata est, ita ut in praesens percipiamus nos in communionem invicem

inductos esse, cum iis qui nos praecesserunt in signo fidei atque cum iis

omnibus qui dispersi in mundo audiunt Verbum, celebrant Eucharistiam,

vivunt testimonium caritatis. Communicatio huius nuntii - memorat

apostolus Ioannes - data est « ut gaudium nostrum sit plenum » (1 Io 1, 4).

Synodalis Coetus nobis tribuit ut experiremur ea quae in Ioannis nuntio

continentur: praedicatio Verbi creat communionem efficitque gaudium.

Agitur de altiore gaudio quod profluit ex ipso corde vitae trinitariae

quodque nobiscum in Filio communicatur. De gaudio agitur veluti