Congregatio de Causis Sanctorum 103

Laurentii conclusa et quadriduo post in Angliam submota, unde Sorores

disiectas sustinere perseveravit et supplicibus litteris consolata est. Die 1

mensis Novembris anno 1911, Mater Maria Ioanna Materiam autem repetere

valuit et una cum Sororibus, quae fideles perstiterant, vota occulte renovare.

Anno 1916, Episcopus dioecesanus ab ea petiit, ut novissimam ipsi dona-

ret sollicitudinem et parvum Seminarium in loco Municipio Luporum, vulgo

Câmara de Lobos nuncupato, aperiendum curaret. Quod illa, licet iamiam

senex et viribus esset infracta, perlaetanter suscepit. Interdum, valetudo

eius vero in peius ruit et, Infirmorum Unctionis accepto sacramento, die

18 mensis Octobris anno 1916 in eodem loco pie obiit.

Sacrae Scripturae meditationi iam puellula assueta, Maria Ioanna Ver-

bum Dei fidei suae conversationis adeo fecit lapidem et fundamentum, ut

sponte ex ore suo et calamo librorum sacrorum exirent sententiae. Magno

exarsit Ecclesiae amore una et ad Evangelii Christi nuntiandi sollicitudi-

nem. Spiritualitas eius magnitudinem vere oecumenicam induit et promp-

tam etiam in eos qui ad alias Ecclesias pertinerent. Quibus numquam vita

eget, iisdem in certaminibus exhibuit fortitudinem, constantiam, spiritum

sacrificii, patientia et magnanimitatem, sicuti Sororibus expromebat dicens:

« Consistendum est nobis in divina dilectione, sicuti parvulae in medio ponti

evenit insulae, quae, dum undique procellae quassant, semper eadem perstat » .

Et aequum semper servavit gaudium, cum asserebat: « Si est virtus in mundo

nobis quaerenda, haec vere gaudium est ». Speculum eius Virgo Maria fuit,

quam summa filiae pietate dilexit: ab ea exemplum discens suipsius divinae

voluntati oblationis eidemque confisa est tamquam Matri Dei excelsae ac

Matri Victoriarum, quam in conversione experta est.

Ob continuatam et in annos auctam sanctitatis famam Causa Beatifica-

tionis et Canonizationis apud Curiam Episcopalem Funchalensem inita est

per celebrationem Inquisitionis dioecesanae a die 18 mensis Augusti anno

1991 ad diem 30 mensis Aprilis anno 1993, cuius auctoritas et vis iuridica a

Congregatione de Causis Sanctorum die 28 mensis Ianuarii anno 1994 pro-

batae sunt. Positione confecta, die 27 mensis Octobris anno 1998 in Sessione

Consultorum Historicorum et die 25 mensis Maii anno 2012 in Congressu

Peculiari Consultorum Theologorum prospero cum exitu disceptatum est,

iuxta consuetudinem, an Serva Dei more heroum virtutes christianas exer-

cuisset. Patres Cardinales et Episcopi in Sessione Ordinaria diei 1 mensis

Octobris anno 2013, cui egomet ipse Angelus Card. Amato praefui, professi