Congregatio de Causis Sanctorum 823

misericordiam latroni paenitenti ferendam; quin etiam Dominum hominibus,

maxime miseris ac derelictis similem fieri non erubuisse. Servus Dei in

reclusis vultum Domini dolentis contemplabatur. Quapropter mense Iulio

anno 1934 primam duplicem missionem promovit destinatam iis qui Par-

mae in institutis poenalibus et iudiciariis retinebantur. Aliquot post annos,

hoc pastorale ministerium in dies celerius propagatum est, ita ut carceres

attingeret Romae, Venetiarum, Planasiae, Augustae Taurinorum, Brixiae,

Gorgonae, pagi Castiadas, Francorum Castri, Aemiliae ... Hic missionalis

apostolatus apud carceres non impedivit eum quominus assistentiam et

servitium proprium communitati paroeciali praestaret, non obstante periodo

illa, annis 1939-1945, qua alterum bellum mundanum grassabatur. Servus

Dei ductor et tutissimum praesidium exstitit erga fideles sibi suaeque sol-

licitudini concreditos.

Quo apostolatum apud reos et captivos melius explicaret, e paroeciali

munere eximi petivit, ut propositum aleret Deo se vovendi in Instituto

Pauperum Servorum Divinae Providentiae, quod Sanctus Ioannes Calabria

condiderat. Quod tamen propositum, attenta peculiari condicione in qua

Dioecesis versabatur parochi praesentia indigens, ad effectum perduci nequi-

vit. Nihilominus Servus Dei, mandato sui Episcopi obtemperans, novatis

viribus pastorale ministerium exercere perrexit. Totam vitam insumpsit in-

serviens omnibus qui, variis de causis, deiectionem intra parietes carceris

patiebantur; et hanc sensibilem curam in animum infudit plurium sacerdo-

tum et laicorum, quos ad hoc grave ministerium alliciebat.

Peculiari eius charismate ac constanti vita orationis nitebatur, ex qua

fortitudinem et iudicii perspicuitatem hauriebat. Servus Dei apud scholam

Iesu Crucifixi formatus ac penitus particeps mysterii eucharistici hominibus

corpore et spiritu dolentibus proximum humiliter se fecit, ita ut omnibus

minister, amicus et frater fieret. Manus Divinae Providentiae in dolore

contemplans, reclusos hortabatur ut oppeterent et superarent sensus de-

trectationis, rebellionis et angoris; ut frangerent inquietudinem et angustias,

ita ut sese aperirent ad fiduciam et ad spem, quas ipsemet tam in corde

quam in modo sese gerendi nutriebat.

Bello nuper composito ac ruderum congerie acerbisque vulneribus sig-

nato, Episcopus Veronensis die 4 mensis Augusti anno 1947 approbavit

Statutum pro Missionibus gratuitis in praeventionis ac poenae sedibus ser-