416 Acta Apostolicae Sedis - Commentarium Officiale

caput SEptimum inStitutio filiorum roBoranda

259. In filiorum moribus provehendis multum possunt parentes, sive quod

ad bonum sive quod ad malum attinet. Quapropter satius est ut in se hoc

officium recipiant, quod vitari non potest, idque conscientia, studio, ratio-

ne convenientiaque perficiant. Quandoquidem hoc institutionis familiarum

munus magni est momenti et perquam implicatum factum est, peculiarem

in modum hanc quaestionem excutere cupimus.

uBi filii?

260. Familia reicere non potest munus sustinendi, comitandi, dirigendi,

quamvis iterum detegere suas rationes novasque opes reperire debeat. Pros-

piciat oportet cui filios suos obiectet. Hoc se interrogare debet qui sint ii

qui dant operam ut oblectamenta ac ludicra iis afferantur, ii qui domos per

scrinia televisifica ingrediuntur, ii quibus filios committunt ut tempore otii

dirigantur. Solummodo cum eis tempus terentes, plane familiariterque de

magni momenti rebus sermocinantes, bonas copias eis tempus acturis prae-

bentes, noxias occupationes ab iis avertemus. Oportet continenter vigilare.

Disertio numquam proficit. Dirigere et instituere parvulos adolescentesque

debent parentes, ut fortuitis condicionibus occurrere possint, exempli gra-

tia, periculis violentiae, abusus vel medicamentis stupefactivis obnoxietatis.

261. Attamen nimia sollicitudo non educat, et omnes condiciones dirigi

non possunt, in quibus filius quidam forte sit. Hic illud valet: « tempus spatio

superius est ».291 Agitur scilicet de processibus generandis potius quam de

spatiis temperandis. Si parens quidam nimis sollicitatur ut sciat ubi sit eius

filius atque omnes eius actus recenseat, eius spatia tantummodo dominabitur.

Hoc modo eum non educabit, non roborabit, eum non parabit ad certamina

obeunda. Interest potissimum ut amabiliter filius in libertatem maturescat,

instituatur, omnibus ex partibus adolescat, veram libertatem colat. Hac tan-

tum ratione filius in se elementa ipse habebit, quibus indiget, ut se tueatur

et scienter prudenterque item in difficilibus casibus agat. Quapropter non

magni interest ubi corpore sit filius, quocum nunc agat, sed ubi exsisten-

tialiter reperiatur, eius opinionibus, eius consiliis, eius desideriis, eius vitae

propositis consideratis. Idicirco ex parentibus quaerimus: « Operamne damus

291 Adhort. Ap. Evangelii gaudium (24 Novembris 2013): AAS 105 (2013), 1111.