Congregatio de Causis Sanctorum 105

FLORENTINA

Beatificationis et Canonizationis Servae Dei Mariae Eleonorae Giorgi (in saec.:

Mariae Angelae) Sororis Professae Congregationis Servarum Mariae Virginis Per-

dolentis de Florentia (1882-1945)

DECRETUM SUPER VIRTUTIBUS

« O Iesu, deliciae cordis mei, ubicumque anima salvanda est, ei adesse

velim, ut te cognoscat et diligat ».

Haec verba, a Serva Dei Maria Eleonora scripta dum adhuc iuvenilem

agebat aetatem, indicant summam eius mirandae pietatis, quae ex intima

sacratissimi cordis Christi meditatione notas mysticae « experientiae » at-

tingebat.

Dei Serva e parentibus pauperibus et vere religiosis, secunda duodecim

filiorum, anno 1882 die 16 mensis Ianuarii apud pagum v.d. Firenzuola, in

loco Scheggianico, ditionis florentinae, orta est. In baptismate nomen Ma-

riae Angelae ei datum est. Iuxta christianae vitae principia in sua humili

familia est educata.

Ob familiae rerum inopiam, cum ad quindecim annorum aetatem per-

venisset, domo paterna relicta, Florentiam se contulit, ut munera ancillae

exerceret in quodam palatio, sanctuario divae Mariae ab angelo Salutatae

propinquo, ubi optime se habuit.

At, primo anno vix elapso, gravi febri affecta, in valetudinarium delata,

tipho affici est reperta. Brevi vero elapso tempore, alterna vice vel melius

vel peius se habuit, et praesertim aliquid mysticum tunc ei comparuit. Ipsa

Dei Serva enarravit se quamdam « Dominam albam » vidisse, quae, in in-

certa loci claritudine, ei promisit valetudini ipsam restitutam fore, si sibi

consecraretur.

Tandem Angela, iuvenis viginti annorum mulier, consilium sui parochi

secuta, una cum duabus sociis Florentiae Congregationi Sororum « B. Mariae

Virginis Perdolentis » adhaesit. Anno vero 1906, habito ipsarum Sororum

induta, nomen Mariae Eleonorae assumpsit.

Sutoriae et acu pictoriae artis primo magistra, hanc puellas docuit; dein

ad aliam Congregationis domum se contulit in pago Castiglione dei Pepoli

prope Bononiam. Paulo post, huius domus superiorissa alio translata, eius