Acta Francisci Pp. 417

ut sciamus "ubi" revera suo in itinere sint filii? Scimusne ubi revera eorum

sit anima? Ac potissimum: volumusne id scire? ».292

262. Si maturitas tantum esset quaedam progrediens res quae iam in

genetico codice contineretur, non multum esset faciendum. Prudentia, pro-

bum iudicium rectaque agendi mens non pendunt tantum ex elementorum

incrementi mera quantitate, sed ex serie quadam elementorum quae intra

personam coalescunt; quo liquidius dicamus, in medio loco eius libertatis.

Necessario fit ut per proposita ex hac libertate manantia admiratione quis-

que filius nos commoveat, nostras rationes summoveat, atque

bonum est ut id accidat. Educatio secum fert ut sana libertas promovea-

tur, ut in ancipiti re prudenter scienterque eligere valeant; ut personae sint

quae prorsus intellegant suam vitam et communitatis suis esse in manibus

atque hanc item libertatem infinitum esse donum.

filiorum EtHica inStitutio

263. Etsi schola indigent parentes ut primaria institutio filiis praebeatur,

eorum moralem institutionem non possunt ipsi umquam ex integro aliis

committere. Affectuum morumque provectus cuiusdam personae praecipuam

requirit experientiam, ut scilicet credatur fiducia dignos esse parentes. Id

educationis responsalitatem secum fert: affectu ac testimonio oportet fiducia

filiorum eliciatur, eis amabilis observantia instilletur. Cum haud percipit

filius se suis parentibus carum esse, quamvis sit imperfectus, aut non ani-

madvertit ipsos de eo sincere sollicitos esse, id gravissima vulnera infert

quae eius in provectu complures difficultates important. Eo quod relinquitur,

quod affectione deseritur, acerbior dolor fit quam quaedam forte emendatio,

quae propter quiddam male actum adhibetur.

264. Parentum officium voluntatis institutionem et provectum bono-

rum morum affectuumque proclivitatum in bonum agendum complectitur.

Id secum fert ut optabiles exhibeantur mores ediscendi ac propensiones

augendae. Sed semper de processu ab imperfectis ad pleniora agitur. Ad

societatem sese accommodandi studium vel mos proximam satisfactionem

abiciendi ut norma quaedam teneatur et bonus convictus agatur, id ipsum

primum est bonum, quod efficit ut ad altiora tandem perveniatur. Moralis

institutio per rationes activas et educationis dialogum semper est facienda,

quae sensum et propriam filiorum loquelam complectatur. Insuper institutio

292 Catechesis (20 Maii 2015 ): L'Osservatore Romano, 21 Maii 2015, p. 8.