Congregatio de Causis Sanctorum 827

adorationis, etiam nocturnae, vigilias prope altare crebriores redderet. Ex

hac profunda cum Domino unionis vita eam cepit desiderium communita-

tis domus exercitiorum convertendae in congregationem religiosam. Anno

1870, ut rem obtineret ac manifestam Archiepiscopi Bonaërensis haesita-

tionem superaret, Romam petiit. Beatus Pius PP. IX, in audientia illae

concessa, eiusdem animum confirmavit et novo instituto benedixit. Serva

Dei iter perrexit peregrinans ad Terram Sanctam ibique futurae Congre-

gationis Regulas scripsit. Postquam domum rediit, die 9 mensis Novembris

anno 1871 dioecesanam obtinuit approbationem Instituti Ancillarum Iesu

in Sacramento, quod Sanctissimum Sacramentum diu noctuque adoraret,

puellis orphanis, pauperibus, aegrotis, iuvenibus matribus innuptis subveni-

ret necnon operam in nosocomiis navaret. Die 21 mensis Novembris anno

1876 professionem religiosam, una cum primis tredecim sodalibus, emisit.

Etsi Antistita Generalis, quin pro consororibus ac puellis orphanis mendi-

caret non recusavit. In moderanda congregatione prudentiam sapientiamque

praestavit atque calumnias et obtrectationes patienter toleravit. Saltae et

in Civitate Bolivarensi novas domos religiosas erexit. Heroico cum animo

consensit ut operam sanitariam et auxiliarem daret in Bonaëropolis syphi-

locomio ac valetudinario, locis famosis ac pestilentiosis, quorum curam alia

instituta religiosa non acceperant.

Serva Dei spiritales singulorum illic iacentium conditiones respiciebat,

illorum mentes ad propriae humanae dignitatis sensum revocabat eosdemque

ad sacramenta recipienda disponebat. Urbs Bonaëropolis stupebat operam

apostolicam Matris Benedictae Arias eiusque consororum, quae ad animas

Deo acquirendas unice vivebant. Filias suas fundatrix hortabatur, dicens:

« Omnia summa bona facite », iisdemque verum Ecclesiae thesaurum mons-

trabat: « Ad pauperes, filiae, ad pauperes; pauperes semper quaerite ».

Die 25 mensis Decembris anno 1893, incendio orto in cappella Domus

nuncupatae de Jesús, Mater Benedicta superfuit graviter usta. Inde eius

valetudo paulatim est aggravata. Cum omnibus membris caperetur, totam

Divinae Voluntati, amplius orando et adorando, se commisit. Die 25 mensis

Septembris anno 1894, sicuti praedixerat, caelesti Sponso obviam hilare ivit.

Ob eius sanctitatis famam, ab anno 1937 usque ad annum 1940 apud Cu-

riam Archidioecesis Bonaërensis celebratus est Processus Ordinarius, cuius

validitas iuridica per Decretum die 2 mensis Maii anno 1998 a Congregatione