108 Acta Apostolicæ Sedis - Commentarium Officiale

ARIMINENSIS

Canonizationis Beati Amati Ronconi e Tertio Ordine Sancti Francisci Fundatoris

Hospitalis Pauperum Peregrinorum oppidi Saludecii nunc v.d. « Casa di Riposo

Opera Pia Beato Amato Ronconi » (1226-1292)

DECRETUM SUPER VIRTUTIBUS

« Venite benedicti Patris mei, possidete paratum vobis regnum a consti-

tutione mundi. Enim [...] hospes eram, et collegistis me; nudus, et operuistis

me; infirmus, et visitastis me » ( Mt 25, 34.35-36).

Verba Domini humanum ac spirituale iter efficaciter explanant Beati

Amati Ronconi, cuius fides in Providentiam augebatur et apparuit tam in

vehementissima caritate erga omnes et praecipue in peregrinos ac pauperes,

quam in constanti ad Ecclesiae et civitatis unitatem et pacem sollicitudine.

Beatus forsitan anno 1226 e diviti familia oppidi Saludecii prope Ari-

minum natus est, dies mortis vero desideratur. Scimus tamen eius vitam

degere, in saeculo quo floruit et diffusus est Sancti Francisci spiritalis

adflatus, cuius exemplo inflammati multi alii testimonium spiritualitatis

ac caritatis dederunt.

Orbatus utriusque parentis, iuvenis Amatus una cum sorore Clara a

fratre natu maiore educatus est, cui postea odio fuit propter eius rerum

contemptum ac christianae pietatis vivissimum cultum, quae eum ad paupe-

res auxiliandos semper impellebat. Iuventute dissensionibus auctis, familiam

relinquere et aliquibus agricolis famulari statuit.

Tertio Ordini Sancti Francisci adhaesit, commigratus ad Montem Or-

cialem, et ad aedificandum hospitium Virginis Mariae Nativitati dicatum

se tradidit, ut refugium pauperibus et peregrinis suppeditaret, quibus ipse

in necessitatibus praestare non dedignatus est. Hoc in opere a sorore au-

xilium habuit, quae idem vitae consecratae desiderium excolebat. Ad hoc

opus incipiendum ac fovendum, emolumenta suis ex agris et suo e labore

destinabat. Ad vitam summae poenitentiae gradatim aggressus est, enim

cotidie se ipsum verberabat et solis paucis leguminibus vescebatur. Hoc

vitae regimine, saepe agricolae eum irridebant et fratris uxor iuxta civiles

auctoritates eum infamare non desinebat. Innocentia autem et sanctitas

Amati Ronconi copiose confirmatae sunt.