540 Acta Apostolicae Sedis - Commentarium Officiale

diligo ». In eius mortis adventu populus sanctum eum habuit, cum in eius

testimonio Spiritus Dei signum agnosceret. Servi Dei exuviae in Domus

Operis Matris crypta requiescunt.

Propter sanctitatis famam, a die 14 mensis Septembris anno 1988 usque

ad diem 23 mensis Septembris anno 1993, apud Vicetiae Ecclesiasticam

Curiam celebrata est Inquisitio dioecesana, cuius auctoritas iuridica con-

validata est ab ista Congregatione, decreto diei 20 mensis Aprilis anno

1994. Positione confecta, disputatum est, secundum consuetam rationem,

an Servus Dei in gradu heroico virtutes exercuerit. Exitu positivo, die 10

mensis Februarii anno 2015, Peculiaris Consultorum Theologorum Congres-

sus adhibitus est. Cardinales Patres et Episcopi in Sessione Ordinaria die 2

mensis Iunii anno 2015 cui ego, Cardinalis Angelus Amato, praesedi ratum

habuerunt Servum Dei exercuisse in gradu heroico virtutes theologales nec-

non cardinales iisque adnexas.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servi Dei Ottorini

Zanon, Sacerdotis Dioecesani et Fundatoris Congregationis Piae Societatis a

Sancto Caietano, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 5 mensis Iunii a.D. 2015.

anGeluS CarD. amato, S.D.B. Praefectus

L. G S.

G marCelluS BartoluCCi Archiep. tit. Mevaniensis, a Secretis