Congregatio de Causis Sanctorum 109

Spiritualitati Beati, qui divino in amore defixus erat, assidua animi

dispositio ad orationem, ad ieiunum, ad poenitentiam et ad generositatem

consentanea erat. Ab eucharistico sacrificio et ferventi devotione in Vir-

ginem Mariam ille consilium et vim ad cotidie vivendum secundum evan-

gelicam perfectionem et Sancti Francisci paupertatem trahebat. Maxime

in accusationibus et in calumniis, quae contra eum invidi machinati sunt,

ille magnam humilitatem necnon iustitiae ac moderationis sensum semper

obtulit. Aliquas sacras peregrinationes suscepit, quorum saltem quattuor

ad Compostellam.

Per testamentum diei 10 mensis Ianuarii anno 1292, Amatus Ronconi

illud valetudinarium et omnes suas possessiones solemniter concessit Sancti

Benedicti monacis monasterii Sancti Iuliani et Sancti Gregorii in Conca

Ariminensi, curans corpus suum in sacello eiusdem valetudinarii sepelien-

dum. Hoc testamentum omnibus vitae Deo et aliis omnino dicatae culmen

recte videtur et observantem et suavem sollicitudinem in Sancti Benedicti

monacos necnon prudens studium ad operam servandam ostendit. Amatus

paulo post mortuus est et corpus eius in supradicto sacello conditum est.

Sensu fídelium vir probata sanctitate praeditus, post mortem Beatorum

cultu honorabatur. Die 17 mensis Aprilis anno 1776 cultus eius a Pontifice

Pio VI confirmatus est. In pago Saludecio sanctuarium eius ad memoriam

dicatum feliciter stat. Ab illo tempore Beati cultus amplius auctus est. Hac

re, a die 12 mensis Novembris anno 1997 ad diem 25 mensis Maii anno 1999

iuxta Curiam Ariminensem Inquisitio dioecesana super fama sanctitatis, vita

et virtutibus celebrata est, cuius iuridica validitas ab hac Congregatione de

Causis Sanctorum per Decretum diei 18 mensis Februarii anno 2000 est

approbata. Positivo cum exitu, Historicorum Consultorum Consilium diei

27 mensis Aprilis anno 2010 secutum est et die 23 mensis Ianuarii anno

2013 habitus est Congressus Peculiaris Consultorum Theologorum. Patres

Cardinales et Episcopi die 24 mensis Septembris anno 2013 Ordinaria in Ses-

sione congregati, me Angelo Cardinale Amato praesidente, Beatum virtutes

theologales, cardinales et adnexas, heroum in modum excoluisse, agnoverunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,