MAIORICEN. Ili

Disceptatio Synoptica

P E T I T I O E P I S C O P I V I D E T U R E X C I P I E N D A . Episcopus Maiori- censis praemisso, quod bonum Sanctuarii, et voluntas adim- plendi onera fundatorum, et non propositum huic vel illi ordini favendi, fuit causa movens ad obtinendam facultatem dandi custodiam Sanctuarii Fr. Carmelitis, contendit libe- rum fuisse utendi obtenta licentia, nec ullum pactum seu conventionem inter ipsum et Carmelitas intercessisse, sed ad summum simplicem praeliminarem tractatum. Subdit dein, graves exortas fuisse causas, quae ipsum a facta propositione revocarunt et impulerunt ad praxim eam non ponendam: siquidem vix notitia divulgata est, quod Sanctuarii custodia Carmelitis esset tradenda, magna oppositio in populo et in clero dioecesano erupit, quae etiam crevit ope publicarum ephemeridum : Episcopus rem examinavit utrum haec contra- rietas ab hominibus perversis oriretur, vel aliquod haberet fundamentum : et detectum est id contingere ob contemptum, in quem inciderat Ordo praefatus in sua dioecesi, ope reli- giosorum qui saecularizati, eorum prava agendi ratione Or- dinem ipsum dedecore afficiebant. Quare prudens visum est, habito etiam super hac re consilio appositae creatae Com- missionis, a propositione relate ad Carmelitas recedere et Sanctuarii administrationem una cum Collegio tradere pre- sbyteris Congñis SS. Cordium Iesu et Mariae, quae utpote dioecesana institutio, melius fini fundationis, tantum vocantis dioecesanos respondebat.

Deinde pro Carmelitarum exclusione etiam alia suppete- bat ratio iuxta Episcopum; nam cum praefata Sanctuarii fun- datio et Collegii esset statuta pro presbyteris dioecesis, Car- melitae, utpote extranei, vocari non poterant absque iuris laesione ad usufruendum eius reditibus; idque eo magis post- quam obtentum rescriptum diei 16 Decembris 1890 erat mu- nitum clausula - dummodo ius alteri quaesitum non laedatur.

Ad hoc accedit quod, praeter difficultatem addiscendae dialectus vigentis in insula Maioricensi, cuius tamen cogni-