CAPUT III.

Maria flumen.

Flumen, de quo dicitur : Flumen Dei repletum est aquis , est, Maria charismatibus gratiarum. Unde gratia plena.

Inter flumen et fluvium hoc differt, quod flumen est ipsa aqua, et fluvius cursus est aquae. Prius autem flumen quam fluvius : quia prius aqua quam decursus.

Item, Hujus fluminis impetus laetificat civitatem Dei , id est, utramque Ecclesiam et fidelem animam.

Flumen semper aquam recipit a fonte : et ipsa a Domino, qui est fons aquae vivae :Vel a divina plenitudine, ut nobis de ipsa refundat.

Locum adjacentem munit. Et ipsa pie excubat in circuitu populi sui, id est, Christianorum. Unde de Ecclesia dicitur. Nahum, iii, 8: Aquae, id est, miserationes Mariae, in circuitu ejus,... aquae muri ejus.

Loca vicina fecundat, idest, conscientias sibi amore adhaerentes. Et hoc herbis sanctarum cogitationum et meditatiorium, floribus honestorum desideriorum, foliis sanctorum verborum, fructibus bonorum operum, virore vernantium exemplorum. Eccli. xl, 16 : Super omnem aquam viriditas. Si autem elongetur flumen, quod fit in illis qui mortaliter peccant, haec omnia arescunt. Job, XII, 15 : Si continuerit aquas, omnia siccabuntur.

Terram ripis suis adjacentem consumit:

Et Maria orationibus suis et exemplis terrenitatem in cordibus amatorum suorum. Job, xli, 15 : Si emiserit aquas gratiarum, subvertent terram, id est, terrenitatem.

Levia ad se contrahit, id est, non oneratos mortalibus peccatis. Ideo clamandum est ad eam : Trahe me post te . Augustinus: " Nondum traheris, ora ut traharis. "

Pisces nutrit et maxime stamosos et mundos, justos scilicet habentes stamos et pennulas virtutum, quibus dant saltus super aquas, quos scilicet pisces Dominus esurit. Unde, Luc. XXIX, 42 et 43, comedit piscem assum.

In hoc etiam flumine natus est ille piscis unicus aut sempiternus, scilicet Christus Dominus, qui quasi piscis captus est in aquis generis humani hamo nostrae mortalitatis, ut vitam nobis conferret sempiternam, et in cujus ore inventus est stater nostrae redemptionis , et interpretatur piscis unicus, aut sempiternus. Et dicitur piscis a pascendo secundum Isidorum : quia caro Christi vere est cibus. Ejus inspectio acuit visum., intellectum scilicet ad cognitionem, affectum ad dilectionem. Sitim exstinguit, scilicet sitim temporalium, exemplo suae paupertatis, et sic de aliis vitiis. Unde dicit cum Filio, Joan. IV, 13 : Qui biberit ex aqua, etc.

Aliam autem sitim accendit, cum et ipsa sit mare, hoc est, desiderium aeternorum, ut dicat amator ejus : Sitivit anima mea ad Deum fortem vivum . Vel, sitim gratiae. Unde dicit : Qui bibunt me, adhuc sitient .

Inundatione sua prata faecundat, et sic generat pascua uberrima, et implet omne animal benedictione, id est, bona datione. Eccli. xl, 16 : Super omnem aquam viriditas.

Vacua replet si sint ei propinqua : quia humilibus qui suos defectus attendunt, dat gratiam, cujus est mater. Valles et mare petit, et montes deserit, ut supra dictum est de rivulo fontis. Natantes et existentes in navi vehit. Natant illi qui veterem exuunt hominem cum actibus suis et desideriis velut sordidos pannos, et ad ejus beneplacitum movent pedes et manus, id est, affectus et opera. Portat etiam existentes per veram Iidem in navi Ecclesiae Catholicae.

In fundo suo nimis immorantes submergit. Nimius enim perscrutator majestatis ejus opprimetur a gloria . Ideo de ipsa dicitur, Eccli. xliii, 34 : Ne laboretis, non enim comprehendetis. Ideo in ipsa defecerunt haeretici scrutantes indiscreto scrutinio. Nam per eam obstructum est os loquentium iniqua .

Necessaria civitati, id est animae apportat, et hoc quando Verbum caro factum est in ea, qui omnibus omnia factus est, ut quantum in se est, lucrifaciat universos . Portat etiam navigium cum mercibus ad civitatem : nam ipsam cumulat cunctis bonis, ut dici possit de ea illud Sapientiae, vii, ii : Venerunt mihi omnia bona, etc. Superfluitates ab ea exportat : Christus enim quem nobis peperit, fuit hircus emissarius, qui peccata populi detulit in desertum , quando peccata nostra tulit in suo corpore super lignum . Superflua etiam nostra originalia et actualia, a quibus nos liberavit beneficio recreationis, vel Dominicae passionis.

Sordes purificat. Beneficium enim justificationis omnia immunda a nobis abstulit, secundum quod orabat Psalmista, Psal. L, 4 : Amplius lava me ab iniquitate mea, etc.

Sitim sedat. In hoc intelligitur beneficium glorificationis : nam usque tunc sitiet anima nostra ad Deum fortem vivum, dicens : Quando veniam, et apparebo ante faciem Dei : sed tunc satiabitur cum apparuerit gloria Domini, et quando torrente voluptatis ejus patabimur. Haec autem quatuor beneficia per Christum habemus, quem habuimus per Mariam.

Et nota, quod Maria signata est per illa quatuor Humilia paradisi terrestris, de quibus dicit Ecclesiasticus, XXIV, 35, loquens de illo rege nato de David, qui scilicet rex signat Christum : Qui adimplet quasi Phison sapientiam, id est, Virginem sapientem donis gratiarum signatis per aquas Phison, quae ortum habent a paradiso, et in arenis ejus gemmae pretiosae inveniuntur. Sic et dona gratiarum a Christo oriuntur, pro quarum operibus praemia aeterna donantur. Iste Phison est Ganges fluvius, qui interpretatur hortus complulus, et pergit ad Indiae regionem.

Oris mutatio in laudem scilicet Dei. Heva enim aperuit os suum insipientiae dum dubitando respondit serpenti : Ne forte moriamur . Sed Maria aperuit os suum sapientiae, dum credendo concepit dicens : Ecce ancilla Domini, fiat mihi, etc. .

Caterva : quia fluit cum caterva decem

magnorum fluviorum. Et Maria venit in mundum cum multitudine gratiarum, ut de immensa plenitudine ejus omnes reciperent abundanter. Ideo postquam dicta

est gratia plena, et dictum est : Spiritus sanctus superveniet in te , scilicet ut te faciat inundare, et de tua plenitudine accipiant universi

Os papillae quod semper videtur esse clausum, et tamen lac emittit. Sic os beatae Virginis quasi semper clausum videbatur per censuram silentii, et quandocumque loquebatur, dulce verbum emittebat, et de verbis ejus velut pueri de lacte nutritur infantia spiritalis, si discrete perpendantur. Rustici barbati non hauriunt de papilla, sed pueri, et dulcedinem consolationis non hauriunt a Virgine nisi amatores puritatis.

Circuit terram Hevilath quod interpretatur dolens, vel parturiens. Et beata Virgo circuit dolentes per contritionem ad consolandum eos, maximeque parturientes peccata sua per confessionem, et bona opera per satisfactionem.

Tigris sequitur : Ei sicut Tigris in diebus novorum , seminum scilicet, vel messis hordeaceae. Quasi diceret: Sicut Tigris in diebus novorum implet aquis alveum suum, sic Dominus beatam Virginem aquis et donis gratiarum. Unde : Ave, gratia plena . Et bene in diebus novorum, quia per eam innovatum est genus humanum quod per Hevam imperaverat, quando scilicet illud novum factum est in ea, de quo loquitur Jeremias, XXXI, 22, per quod novum innovata sunt omnia. Unde Filius ejus dicit, Apocalyps.XXI, 5 : Ecce nova facio omnia.

Item, Tigris interpretatur velox vel sagitta, et vadit contra Assyrios. Et beata Virgo quasi sagitta Domini exemplo suae humilitatis destruit superbiam. Unde de ea dicitur, IV Reg. XIII, 17 : Sagitta salutis Domini contra Syriam. Nisi enim sagitta esset, non diceret ei sponsus : Vulnerasti cor meum, soror mea, sponsa .

Item, Tigris nutrit pisces homines devorantes, sicut legitur, Tob. VI, 2. Et Maria beneficiis suis Ecclesiasticis nutrit ad litteram devoratores hominum, quibus Christus dicit, Isa. iii, 14: Vos depasti estis vineam meam, etc. Et, Psal. lxxviii, 6. Quia comederunt Jacob , id est, minorem populum.

Item, Tigris cum maximo impetu, ut dicitur, fluit in Mare mortuum, et bene signat Mariam, quae quotidie infundit gratiam peccatoribus desperatis, qui prius erant mare per amaritudinem vitiorum et mortui in peccatis. Signat etiam Christum, qui ad hoc subito descendit in mare mundi, ut in peccatis mortui vivificarentur per beneficia incarnationis ejus. Similiter et Maria infundit gratiam paenitendi peccatoribus desperatis.

Item, Tigris vocatur sic propter velocitatem currendi insiar bestiae tigridis, quae velocissime currit. Et ipsa cum festinatione visitavit Elisabeth, concepto Salvatore .

Euphrates sequitur : Qui adimplet quasi Euphrates sensum , scilicet beatae Virginis spiritualibus sensatis, scilicet coloribus, odoribus, saporibus spiritualibus. Color rubeus charitas, albus castitas, violaceus humilitas, viridis sanctitas, et hujusmodi. Odor spiritualis discretio. Sapor spiritualis sapientia. Ipsa enim gustavit, et vidit quia bona est negotiatio ejus, etc. . His omnibus impleta est Maria sicut Euphrates abundanter : ex plenitudine cognitionis redundavit in

ea sterilitas operationis, sicut magna fit abundantia ubi fluit Euphrates.

Vel, Euphrates interpretatur frugifer: quia ante ortum Mariae egeni eramus, vacui, et mendici. Sed sicut dicitur, Sapient. VII, 11 : Venerunt mihi omnia bona pariter cum illa : ideo dicimus Christo de ea : Replebimur in bonis domus tuae, etc. .

Item, Euphrates interpretatur crescens, vel humus, aut puluerulentus.

Sequitur : Qui multiplicat sicut Jordanis in tempore messis . Tempore enim messis multiplicat Jordanis aquas suas, sicut dicitur, Josue, iii, 15. Sic Christus tempore gratiae multiplicavit aquas gratiarum in Virgine : et in illis qui eam colunt et diligunt, multiplicat quotidie. (De Jordane paulo infra invenies titulo de fluvio).

Sequitur: Qui emittit disciplinam sicut lucem . Quia Maria peperit lucem veram, de qua dicitur, Eccli. L, 31 : Lux Dei, vestigium ejus est. Quae videlicet lux, scilicet Christus Dominus, docuit in sua praedicatione disciplinam, id est, ordinatam morum correptionem. Vel, disciplinam, id. est paenitentiam, dicens : Paenitentiam agite .

Gehon sequitur : Et assistens quasi Gehon in die vindemiae. Gehon dicitur a AdminBookmark quod est terra : quia incremento suae exundationis terram aegypti rigat. Et vocatur Nilus. Dicitur a limo quem trahit, quo terra fecundatur. Nec debet scribi Gion, sed Gehon. Adstitit enim Maria Filio patienti : quando scilicet corpus ejus quasi uva premebatur in torculari crucis : et inde exprimebatur mustum ratione redemptionis quo potamur in altari. Ad litteram, quando sol per Virginem signum transit, tunc Gehon qui Nilus dicitur, omnes exitus suos revocat.

Et cum ingressus fuerit sol Libram, tunc Nilus totus intra ripas colligitur, nec perfundit terram, quod est in tempore vindemiae. Et ideo dicitur assistens, id est, non effluens. Sic beata Virgo in tempore vindemiae,.id est, in die judicii, assistet Filio suo: nec tunc inundabit aut pertundet aquis gratiarum suarum corda arida peccatorum sicut facit modo.

Item, Gehon interpretatur hiatus terrae. Hic est misericordia Mariae, quae appellatur terra, quae scilicet misericordia miseris semper patet. Interpretatur etiam Gehon luctatio vel arena : quia luctata est contra mundum per paupertatem, contra carnem per virginitatem, contra diabolum superbum et rebellem per obedientiam et humilitatem. Et exemplo suo docet nos luctari contra tres illos inimicos.

Item, Gehon, id est, Maria totam circuit aethiopiam, scilicet ad debellandos peccatores.

Item, Eccli.XXIV, 40, dicit Maria : Ego sapientia effudi flumina, sicut quando flumen unum oriri potest ex alio. Dicit ergo : Ego impleta sapientia ab illo rege nato de David, quae dici debeo sapientia, quia mater aeternae Dei sapientiae, et univoca debet esse generatio, effudi flumina, quia sum paradisus voluptatis, de quo fluvius exiens dividitur in quatuor capita. Nomen uni Phison , quod interpretatur oris mutatio . Expone ut supra. Ipsa enim docet nos loqui lingua Hebraea in confessione, qua transitur a vita veteri in novam : nam Maria mulier Hebraea est .

Gehon luctatio, quam docet nos exemplo, ut supra dictum est. Exod. xxv, 40 : Inspice, et fac secundum exemplar, etc. Item, Gehon arena, quae sterilis est: et ipsa nos docet, ut cum omnia bona fece- rimus, dicamus illud Lucae xvii 10 : Servi inutiles sumus. Amos, IX, 13 : Comprehendet arator messorem : quod fit quando jam perfecte se reputant inchoare. Unde : Ei dixi : Nunc coepi .

Tertios Tigris, in quo velocitas bene operandi, quae valde necessaria est proficientibus, sicut Maria concepto Jesu in montana cum festinatione abiit . Euphrates frugifer, qui ab ea derivatur ad nos quae optimam partem elegit. Sic et illi qui mente conversantur in caelis, etiam jam in praesenti recipiunt centuplum. Propter haec quatuor dicit : Effudi flumina.