830 Acta Apostolicae Sedis - Commentarium Officiale

tempore, includebat territoria nunc dioecesium Flaviobrigae et Sancti Se-

bastiani. Simul, assiduam cum Deo in oratione unionem pleniorem fecit et

strenue Adorationem Eucharisticam Nocturnam SS.mo Sacramento evexit.

Anno 1919, maturata vocatione ad sacerdotium, admissus est in semina-

rium Matritense et presbyter ordinatus est die 14 mensis Ianuarii anno

1924. Postea, ministerio apostolico et pastorali strenue inservivit, minime

indulgens activitatem architectonicam in dioecesi explicatam, qua de causa

novum seminarium et multas ecclesias et oratoria restauravit. Anno 1930,

nominatus est Cubicularius a Secretis Suae Sanctitatis.

Ineunte Hispanico civili bello (1936-1939), Dominus Petrus, dum vitam

ageret cum propria familia in pago natali, in carcerem coniectus est ad

publicas interrogationes sustinendas in quibus aperte declaravit personalem

adhesionem Christo Domino et Ecelesiae; enimvero, periculum extremum

adens, aggressus est sacerdotale ministerium. Praeclarus atque aestimatione

dignissimus erat ob apostolatum suum et multa opera pastoralia utilia ad

pauperiores auxiliandos; humilis ac austerus sacerdos, Evangelium prae-

dicabat vitae sanctitate, catechetica instructione et praevalente cura in

favorem moligentium. Plus violenta condicio socialis Hispaniae ingraves-

cebat, amplius Dominus Petrus spiritualiter et psychologice animum pa-

rabat: hac ratione, martyrii eventum eum non deprehendit. Nominatim,

inde a prima provocatione Militiarum dum in domo familiari habitabat,

harum perturbationes comminationesque placidum animum Servi Dei non

tetigerunt qua de causa apostolatum sereno spiritu non intermittit. Post

ultimam celebrationem Sanctae Missae in domicilio parentum, die 25 mensis

Augusti anno 1936, transtulit domicilium ad pagum Erandio apud Flavio-

brigam, ubi commoravit cum duobus avunculis. Detectus die 29 mensis

Augusti, in carcerem in Liendo apud Santanderiensem civitatem coniectus

est; tormentis interrogatus et morte damnatus, scopleto suplicium sumpsit

ipso die 29 mensis Augusti anno 1936. Mortuus est postquam inimicos suos

veniam indulsisset.

Fama martyrii Servi Dei ita crevit in communitate ecclesiali, ut apud

Curiam dioecesanam Victoriensem, a die 14 mensis Decembris anno 1960

usque ad diem 23 mensis Iunii anno 1962, Processus Informativus Ordina-

rius celebratus est, quem subsecuta, apud Curiam ipsam et a die 20 mensis