542 Acta Apostolicae Sedis - Commentarium Officiale

no a Consolatione iam receptis, quarum multas ad vitam vere christianam

repetiit. Quo aptius hae moribus corporibusque restituerentur et societatis

compagini insererentur, Servus Dei consuetudinibus paenitentialibus aetatis

suae nullomodo usus est, sed viam persecutus est provectus spiritualis atque

harum mulierum psycologicae et socialis instaurationis. Proinde, anno 1879,

Hospitium Sanctae Margaritae fundavit, Beato Pio IX Pontifice Maximo

Ministroque Generali Fratrum Minorum ac Servo Dei Patre Bernardino de

Porta Gruarii et Principibus Italiae suffulcientibus, et in iugi cum audaci ac

praecursorio opere suo pro ultimis deserviendo nexu anno 1886 Congrega-

tionem Sororum Sancti Francisci a Sacratissimis Cordibus instituit.

« Caritas - sicuti Servus Dei dicere solebat - coloribus eget, praelationes

fugit, omnes amplectitur, necessitudines praevenit, culpas ignoscit et pla-

gas societatis medetur ». Pater Simplicianus fidei et Eucharistiae radicitus

innitebatur atque fortitudinem e dominica mensa hauriebat ad suasam et

suasoriam caritatem proximi exercendam. Vita eius apostolico labori et

opitulationi suppeditandae omnino fuit addicta, cuius summi in re sociali

constiterunt effectus.

Servus Dei enim peculiari animi intellectu aevum suum mente percepit,

quo Providentia eum in certamen vitae devocaverat, graves difficultates

Familiam Alcantarinam Neapolitanam ottuderant et magna humani cultus

ac rei politicae perturbatio a tempestate inducta illa, cui nomen 'Resur-

gimentum', usque ad Urbis expugnationem anno 1870 grassabatur. His in

inusitatae difficultatis angustiis ipse moderatione, hominum commercii sol-

lertia, probitate, audacia, fidelitate et misericordia emicuit. Navam eius

actuositatem sustentabant profundus spiritus orationis magnaque spes et

humilitatis candor.

Servus Dei, sanctitatis fama suffultus, die 25 mensis Maii anno 1898 Ro-

mae pie in Domino quievit. Eius aetati adiuncti eum nuncupaverunt 'verum

Angelum benignitatis'. Exitus tempore, populus eum iam habuit sanctum

et recognovit in testimonio eius vestigia Spiritus Dei. Exuviae eius Capuae

asservantur apud Domum Matrem Instituti ab ipso fundati.

Hanc ob sanctitatis famam Causa Beatificationis et Canonizationis apud

Curiam Archiepiscopalem Capuanam inita est per celebrationem Inquisitio-

nis dioecesanae a die 15 mensis Martii anno 1997 ad diem 5 mensis Iunii

anno 1999, cuius auctoritas et vis iuridica ab hac Congregatione de Causis

Sanctorum die 5 mensis Februarii anno 2000 probatae sunt. Positione con-