Congregatio de Causis Sanctorum 111

SANCTI MINIATI

Beatificationis et Canonizationis Servi Dei Pii Alberti Del Corona ex Ordine Fra-

trum Praedicatorum Archiepiscopi tit. Sardicensis olim Episcopi Sancti Miniati

Fundatoris Congregationis Sororum Dominicanarum a Sancto Spiritu (1837-1912)

DECRETUM SUPER VIRTUTIBUS

« Praedica verbum, insta opportune, importune: argue, obsecra, increpa

in omni patientia et doctrina » ( 2 Tm 4, 2).

Apostoli in adhortatione humanum, christianum et sacerdotale iter Servi

Dei Pii Alberti Del Corona ostenditur: enim ille, sicut Christus Bonus Pas-

tor, humilis servus Divini Verbi, fidelis, generosus nec non bene paratus ad

Spiritus afflatum et ad sui temporis necessitates semper evasit. Excellens

filius Sancti Dominici, sacerdos fuit et episcopus splendidus sua in severa

austeritate, in orationis amore et in contemptione a saeculo.

Servus Dei die 5 mensis Iulii anno 1837 Labrone e familia modestorum

calceamentorum venditorum natus est. Iam a pueritia secundum praecepta

christiana educatus est et septimum decimum annum aetatis agens sequi

suam vocationem ad religiosam vitam constituit, cuius prima signa iam

antea animadverterat. Hac re, anno 1854, Florentiae iuxta Dominicanorum

coenobium Sancti Marci receptus est, in quo postea vestem induit, vota

emisit et iter institutionis perfecit usque ad sacerdotalem ordinationem die

5 mensis Februarii anno 1860.

Servus Dei, valde aestimatus suis virtutibus et doctrina, iam pastorali

munere occupatus, sequentibus annis, magna sollicitudine ad praedicatio-

nem, ad institutionem et ad animarum moderationem se dedidit. Anno 1872

iuxta Pium IX admissus est, et, Beato Pontifice benedicente, una cum Pia

Helena Bruzzi Bonaguidi « l'Asilo della Pietra » instituit, ad pauperum mu-

lierum humanam et religiosam institutionem fovendam et Congregationem

Sororum Dominicanarum a Sancto Spiritu fundavit. Eodem anno Sancti

Marci coenobii antistes electus est et vehementer suum studium theologicum

et philosophicum increbuit, multas operas scribens.

Episcopo Coadiutore Sancti Miniati constituto, Romae die 3 mensis

Ianuarii anno 1875 episcopali ordinatione consecratus est. Pervenit ergo

Tusciae in Dioecesim in qua triginta et duos annos commoratus est et anno