Acta Francisci Pp. 423

ternitatis maternitatisque ad ampliora consequenda elongatio, « christianae

communitates ad familiarum eductionis munus sustinendum vocantur »,297 peculiarem in modum per initiationis catechesim. Ut integrae educationi

faveatur necesse habemus « foedus inter familias et christianam communita-

tem refovere ».298 Synodus pondus voluit extollere scholarum catholicarum,

quae « vitale munus persolvunt in parentibus iuvandis, filios instituturis. […] Catholicae scholae sua in missione sunt tuendae, qua alumni iuvantur ut maturi adulti fiant, qui per Iesu amoris intuitum mundum cernere possint

et vitam intellegant vocationem ad Deo serviendum ».299 Hac de re « palam est confirmanda Ecclesiae libertas propriam doctrinam tradendi necnon ius

institutorum conscientiae causa quibusdam rebus adversandi ».300

SEXualiS Educatio foVEatur

280. Concilium Vaticanum II opus esse edixit ut fruantur « positiva et pru-

denti educatione sexuali progrediente aetate » pueri et adolescentes, « ratione

habita progressus scientiae psychologicae, paedagogicae et didacticae ».301

Nos interrogare ipsi debemus an nostra educationis instituta hanc provo-

cationem in se receperint. Laboriosum est de sexuali educatione cogitare

temporibus quibus sexualitas foedatur et debilitatur. Quae solummodo intra

amoris, mutuae donationis educationem intellegi potest. Hac ratione sexua-

lis loquela infeliciter extenuata non deprehenditur, sed illuminata. Sexualis

impulsus in cursu sui ipsius cognitionis et progressu item animi modera-

tionis facultatis coli potest, qui iuvare possunt ad extollendas magni pretii

facultates laetandi et amatorie conveniendi.

281. Sexualis educatio explicationem praebet, sed minime obliviscitur pue-

ros adolescentesque plenam maturitatem non attigisse. Explicatio opportuno

tempore est agenda et ratione aetati congrua, quam exigunt. Non est operae

pretium eos elementis refercire, cum iudicandi facultas abest coram propo-

sitis invadentibus, pornographia effrenate ingruente et stimulis cumulatis

qui sexualitatem praecidere possunt. Iuvenes oportet sibi sint conscii nuntiis

se operiri, qui eorum bonum ac maturitatem non quaerunt. Sunt adiuvandi

ut agnoscant et positiva incitamenta requirant ac simul eodem tempore ab

297 Catechesis (20 Maii 2015): L'Osservatore Romano, 21 Maii 2015, p. 8. 298 Catechesis (9 Septembris 2015): L'Osservatore Romano, 10 Septembris 2015, p. 8. 299 Rel Fin 2015, 68. 300 Ibid., 58. 301 Decl. Gravissimum educationis, 1.