Acta Apostolicae Sedis - Commentarium Officiale972

ACTA CONGREGATIONUM

CONGREGATIO DE CAUSIS SANCTORUM

CONSTANTIENSIS ET ABRINCENSIS

Beatificationis seu Declarationis Martyrii Servi Dei Petri Hadriani Toulorge,

Sacerdotis Professi Candidi et Canonici Ordinis Praemonstratensis ({ 1793)

DECRETUM SUPER MARTYRIO

« Carissime frater mi, laetare quod crastina die patronum habebis in caelo,

dummodo Deus, uti spero, me sustineat, quemadmodum hactenus fecit. Lae-

tare, quoniam Deus me dignum invenit qui non tantum carcerem patiar

verum etiam ipsam mortem pro Christo Iesu Domino nostro ».

Verba haec, quae Petrus Hadrianus Toulorge suo fratri Ioanni Baptistae

pridie obitum scripserat, efficaciter ostendunt Servum Dei plene conscium

fuisse de instanti martyrio et participem passionis Domini Iesu; eodemque

tempore integrum exhibent eius vitae percursum, quem ipse summa erga

Ecclesiam fidelitate suscepit.

Petrus Hadrianus natus est die 4 mensis Maii anno 1757 in pago Munevil-

le-le-Bingard, in loco vulgo dicto La Quièze, minor natus ex tribus filiis e

ruricola familia. Eodem die quo primum lumen vidit baptismali aqua lustra-

tus est. Sed, pro dolor, quattuor post dies mater eius mortem obiit. Inde ab

infantia se ad sacerdotium vocari persentiens, Servus Dei institutionem ob-

tinuit primo apud quoddam collegium ac deinde apud Seminarium Constan-

tiense. Sacro presbyteratus ordine auctus est anno 1782. Nominatus est in

loco Doville Vicarius paroeciae admodum pauperis, sub patronatu Abbatiae

Praemonstratensis Blancalandae. Hanc communitatem frequentans, iuvenis

sacerdos vitam praemonstratensem affectavit eamque ingredi petivit. Itaque

noviciatum explevit in abbatia Belli Portus et anno 1788 in abbatiam Blan-

calandam regressus est uti canonicus regularis. Sed duos post annos, in cali-